លោក Villas-Boas ប្រឈមមុខនឹងការបាត់បង់ការងារនៅឯក្លិប Spurs ក្រោយពីបរាជ័យដ៏ធំរបស់ក្រុម។ AFP
គ្រូបង្វឹកសញ្ជាតិព័រទុយហ្គាល់រូបនេះ បានជួបភាពស្រពេចស្រពិលចំពោះអនាគតរបស់លោកកាលពីថ្ងៃអង្គារ ក្រោយពីលទ្ធផលនៅលើទឹកដីក្រុម Man City ត្រូវបានគេចាត់ទុកថា មិនត្រឹមតែជាសញ្ញាដ៏អាក្រក់ទេ ប៉ុន្តែ ក៏ជាសញ្ញាដ៏គួរឲ្យព្រួយបារម្ភផងដែរ។ លោក Villas-Boas ដែលនឹងត្រូវដឹកនាំក្រុមរបស់លោកជួបក្រុម Tromso ក្នុងការប្រកួតក្របខ័ណ្ឌ Europa League នៅរាត្រីនេះ ពិតជាត្រូវការនូវលទ្ធផលដ៏ល្អប្រសើរមួយក្នុងការប្រកួតនៅ ផ្ទះខ្លួនឯងជាមួយនឹងក្រុម Manchester United នៅថ្ងៃអាទិត្យ ខណៈលោកព្យាយាមគ្រប់គ្រងលើបញ្ហាផ្សេងៗ។
បញ្ហាទាំងនោះរាប់ បញ្ចូលទាំងបញ្ហាផ្សេងៗក្នុងក្លិបនេះដែលលោកបានព្យាយាមស្តីបន្ទោស អ្នកគ្រប់គ្នាលើកលែងតែរូបលោកផ្ទាល់សម្រាប់ផលវិបាកនា ពេលថ្មីៗនេះ ចាប់ពីអ្នកគាំទ្រនៅ White Hart Lane និងក្រុមវេជ្ជបណ្ឌិតរបស់ក្លិប Tottenham រហូតដល់សមាជិកនៃក្រុមទី១របស់លោក។
លោក Villas-Boas បាននិយាយថា ការបរាជ័យក្រោមស្នាដៃក្រុម Man City គួរតែនាំឲ្យមានការអាម៉ាស់ដល់ក្រុមកីឡាករ ដែលស្ថិតក្នុងអារម្មណ៍យ៉ាងខកចិត្ត។
ភាពអាម៉ាស់ផ្សេងៗនៅឯកីឡដ្ឋាន Etihad ត្រូវបានបង្ហាញអារម្មណ៍ដោយលោក Daniel Levy ដែលជាប្រធានក្លិប និងម្ចាស់ក្លិបលោក Joe Lewis ដែលទើបតែខឹងសម្បាក្រោយពីបរាជ័យ ៣-០ ក្នុងផ្ទះខ្លួនឯងក្រោមស្នាដៃរបស់ក្រុម West Ham United កាលពីថ្ងៃទី៦ ខែតុលា៕ IS
No comments:
Post a Comment