យោងតាមសេចក្តីរាយការណ៍ពីកន្លែងកើតហេតុ បានឲ្យដឹងថា ក្នុងហេតុការណ៍ខាងលើនេះ សមត្ថកិច្ចជួបផលលំបាកក្នុងការបាញ់ទឹកពន្លត់អគ្គិភ័យយ៉ាងខ្លាំង ដោយសារកំសួលផ្សែងភ្លើង ហុចចេញពីបន្ទប់ខារ៉ាអូខេ បាញ់ចេញមកក្រៅរាប់ម៉ោង ដោយមិនទាន់រលត់សូន្យសុងទៅវិញនៅឡើយទេ។ ប៉ុន្តែយ៉ាងណាមិញ ទោះជាជួបផលលំបាក់បែបនេះក៏ដោយ ក៏សមត្ថកិច្ចនៅតែតស៊ូ យ៉ាងសស្រាក់សស្រាំងបំផុត ដើម្បីបាញ់ពន្លត់អណ្តាតភ្លើង កុំឲ្យមានការរាល ធ្ងន់ធ្ងរដល់ទីតាំងផ្សេងៗទៀតដែលនៅក្បែរកន្លែងកើតហេតុនោះ។ លើសពីនេះទៅទៀត កម្មករបាននាំគ្នាឡើងគាស់ដំបូលអាគារ ដើម្បីឲ្យផ្សែងហុចទៅលើ ក្នុងការសម្រួលដល់សមត្ថកិច្ចចូលបាញ់ទឹកពន្លត់អណ្តាតភ្លើងឲ្យបាន ងាយស្រួល។
គួរបញ្ជាក់ផងដែរថា ក្នុងប្រតិបត្តិការខាងលើនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន១០គ្រឿង។ ហើយទិដ្ឋភាពនៅក្នុងទីតាំងកើតហេតុ គេឃើញមានបន្ទប់ខារ៉ាអូខេជាច្រើនបានរងនូវការខូចខាត ព្រមទាំងសម្ភារៈមួយចំនួនទៀតដែលនៅក្នុងបន្ទប់នោះ ដូចជាសាឡុងអង្គុយជាដើម ត្រូវបានអគ្គិភ័យឆាបឆេះខ្ទេចទាំងស្រុង ប៉ុន្តែមិនបណ្តាលឲ្យមានអ្នកណារងរបួសក្នុងហេតុការណ៍នេះឡើយ។
ជាមួយគ្នានេះដែរ អាជ្ញាធរមូលដ្ឋានខណ្ឌចំការមន ដឹកនាំដោយលោក ឡូ យុយ និងលោក អ៊ុច សុខុន អធិការនគរបាលខណ្ឌចំការមន និង
លោក ជួន សុវណ្ណ ស្នងការនគរបាលរាជធានីភ្នំពេញ រួមជាមួយ លោក នេត វត្ថា ប្រធានការិយាល័យនគរបាលបង្ការនិងពន្លត់អគ្កិភ័យ ក៏បានចុះទៅអន្តរាគមន៍ ត្រួតពិនិត្យដល់កន្លែងកើតហេតុផងដែរ៕ ជោគជ័យ
No comments:
Post a Comment