កងទ័ពរបស់សាធារណរដ្ឋកុងហ្គោ បានឈរជើងនៅតំបន់ប៊ូណាហ្គាណា។ AFP
អ្នកនាំពាក្យរបស់រដ្ឋាភិបាលលោក Lambert Mende បានប្រាប់ AFP ថា តំបន់ប៊ូណាហ្គាណា ដែលជាមូលដ្ឋានសំខាន់របស់ឧទ្ទាមស្ថិតនៅតំបន់ភ្នំបៃតងខ្ចីនៅ ក្បែរព្រំដែននៃប្រទេសអ៊ូហ្គង់ដានោះ «គឺស្ថិតនៅក្រោមការគ្រប់គ្រងរបស់យើងទាំងស្រុង» ដោយបន្ថែមថា ការប្រយុទ្ធគ្នាចុងក្រោយដើម្បីទីប្រជុំជននេះបានចាប់ផ្ដើមកាលពី ព្រឹកមិញនេះ។
លោក Mende បានថ្លែងថា ក្រុមឧទ្ទាមបានរត់គេចចូលទៅក្នុងតំបន់ភ្នំ ឬក៏ឆ្លងព្រំដែនចូលទៅក្នុងប្រទេសអ៊ូហ្គង់ដាដែលនៅជិតខាង បន្ទាប់ពីការវាយឲ្យខ្ចាត់ខ្ចាយ។
មន្ត្រីបេសកកម្ម អ.ស.ប. មួយរូបនៅក្នុងប្រទេសនេះក៏បានបញ្ជាក់ដែរថាកងទ័ពបានគ្រប់គ្រង ទីប្រជុំជនដែលមានចម្ងាយប្រមាណ ៨០គ.ម. ខាងជើងក្រុងហ្គោម៉ា ដែលជារដ្ឋធានីនៃខេត្តគីវូខាងជើង។
កងទ័ពបាននិយាយថា កងទ័ព និងរថក្រោះបានឡោមព័ទ្ធទីប្រជុំជនរូតស៊ូរូក្បែរនោះ កាលពីថ្ងៃអង្គារ ជាការត្រៀមខ្លួនសម្រាប់ការវាយប្រហារ កាលពីថ្ងៃពុធ។
ការដួលរលំនៃមូលដ្ឋានប៊ូណាហ្គាណា បានកើតឡើងមួយថ្ងៃ បន្ទាប់ពីលោក Martin Kobler ប្រមុខបេសកកម្មរក្សាសន្តិភាពហៅថា MONUSCO បានប្រកាសថាការរុលទៅមុខរបស់កងទ័ពបានផ្ដល់សញ្ញានៃ «ការបញ្ចប់ខាងយោធានៃក្រុម M23 យ៉ាងជាក់ស្ដែង»។
នៅរដ្ឋធានីកាំប៉ាឡានៃប្រទេសអ៊ូ ហ្គង់ដាក្រុមតំណាងពីភាគីទាំងពីរបានសម្ដែងសុទិដ្ឋិនិយមការពារ សម្រាប់ការវិវឌ្ឍកិច្ចចរចា៕ PN By Phnom Penh Post
No comments:
Post a Comment