លោក ឃើរី ថ្លែងក្នុងសន្និសីទកាសែតនៅអារ៉ាប់រួមស្តីពីបញ្ហាអុីរ៉ង់។ AFP
ពាក្យ សម្ដីពីថ្ងៃអង្គារនេះ បានគូសបញ្ជាក់ពីភាពស្វិតស្វាញ នៃជំហររបស់លោកប្រធានាធិបតី បារ៉ាក់ អូបាម៉ា ចំពោះសភាស្តីពី ទណ្ឌកម្ម ខណៈក្រុងវ៉ាស៊ីនតោនត្រៀមខ្លួនបន្តកិច្ចការទូតនុយក្លេអ៊ែរ ថ្នាក់ខ្ពស់ជាមួយអ៊ីរ៉ង់នៅពេលក្រោយក្នុងខែនេះ។
ប្រធានាធិបតីអាមេរិករូបនេះ បានសន្យាថា លោកនឹងមិនឲ្យក្រុមមេដឹកនាំក្រុងតេអេរ៉ង់ផលិតអាវុធបរមាណូ ឡើយ ប៉ុន្តែការចរចាពីសប្ដាហ៍មុននៅក្រុងហ្សឺណែវរវាងអ៊ីរ៉ង់ និងមហាអំណាចពិភពលោក ៦ មិនសម្រេចបានកិច្ចព្រមព្រៀងបណ្ដោះអាសន្នដើម្បីផ្អាកកម្មវិធី នោះទេ។
ដោយទើបចេញពីកិច្ចពិភាក្សាថ្មីៗ រដ្ឋមន្ត្រីការបរទេសលោក ចន ឃើរី បានឆ្ពោះទៅកាន់វិមានកាពីតូលពីថ្ងៃពុធដើម្បីពិភាក្សាពីករណី នេះដើម្បីបន្តកិច្ចការទូតទៀត។
ក្នុងចំណោមក្រុមព្រឹទ្ធសមាជិក សំខាន់ៗមកពីគណបក្សទាំងពីរ សមាជិកខ្លះដែលកំពុងឆ្លើយតបចំពោះភាពសាហាវរបស់អ៊ីស្រាអែល លើកិច្ចព្រមព្រៀងដែលបានស្នើសុំ កំពុងស្នើសុំដាក់ទណ្ឌកម្មកាន់តែតឹងរ៉ឹង បើមិនដូច្នេះទេអាច បន្ថយអំណាចរបស់លោក អូបាម៉ា ដើម្បីបន្ធូរវិធានការបច្ចុប្បន្នដែលបានធ្វើឲ្យគាំងសេដ្ឋកិច្ច អ៊ីរ៉ង់។
ប៉ុន្តែសេតវិមាន បាននិយាយថា ទណ្ឌកម្មថ្មីណាមួយ អាចបំផ្លាញដំណើរការការទូត និងបន្សល់នូវជម្រើសតិចតួច ក្រៅពីការប្រើកម្លាំងយោធាលើអ៊ីរ៉ង់។
អ្នកនាំពាក្យ សេតវិមាន លោក Jay Carney បានប្រាប់ក្រុមអ្នកកាសែតថា៖ «ពលរដ្ឋអាមេរិកមិនចង់បានការដើរទៅ រកសង្គ្រាមទេ» ដោយនិយាយថា ពលរដ្ឋអាមេរិក «ចង់បានដំណោះស្រាយអហិង្សាដោយយុត្តិធម៌ និងយោគយល់គ្នាដែលទប់ស្កាត់អ៊ីរ៉ង់មិនឲ្យទទួលបានអាវុធ នុយក្លេអ៊ែរ»។
លោក Carney បានថ្លែងថា៖ «បើសិនវាមិនសម្រេចទេ កិច្ចព្រមព្រៀងនេះមានសក្ដានុពលដើម្បីធ្វើដូច្នោះបាន។ ជម្រើសថ្មីគឺវិធានការយោធា»។
លោក បានថ្លែងថា៖ «បើសិនជាការបន្តដំណោះស្រាយការទូតមិនត្រូវបានអនុញ្ញាត ឬក៏ទាត់ចោលតើជម្រើសអ្វីដែលយើង និងក្រុមសម្ព័ន្ធមិត្តយើង ត្រូវតែទប់ស្កាត់អ៊ីរ៉ង់មិនឲ្យសម្រេចបានអាវុធនុយក្លេអ៊ែរ នេះ?»៕ PN
No comments:
Post a Comment