ឧបនាយករដ្ឋមន្ត្រីដើម្បីកិច្ចការសេដ្ឋកិច្ចស៊ីរី លោកកាទ្រី ចាមីល ក្នុងសន្និសីទកាសែតកាលពីឆ្នាំ២០១២ ។ AFP
លោកមួលឡឹមបានថ្លែងដូច្នោះទៅកាន់ប្រេសិតអ.ស.ប.សម្ព័ន្ធអារ៉ាប់ លោក ឡាក់ដារ ប្រាហ៊ីមីដែលកំពុងបំពេញទស្សនកិច្ចនៅក្នុងក្រុងដាម៉ាសដើម្បីជំរុញ ការគាំទ្រចំពោះការចាប់ផ្ដើមកិច្ចពិភាក្សាសន្តិភាពនៅក្រុងហ្សឺណែវ។
ទីភ្នាក់ងារសាណាបាននិយាយថាលោកចាមីលត្រូវបានបណ្ដេញចេញ បន្ទាប់ពី«អវត្តមានគ្មានការអនុញ្ញាតពីតួនាទីខ្លួន»ក៏ដូចជា« សកម្មភាពនិងជំនួបជាច្រើននៅខាងក្រៅប្រទេសដោយគ្មានការអនុញ្ញាតពី រដ្ឋាភិបាល»។
យោងតាមប្រភពនយោបាយនៅស៊ីរីឲ្យដឹងថា លោក ចាមីល បានស្នើសុំចូលរួមនឹងគណៈប្រតិភូប្រឆាំងទៅ កាន់កិច្ចពិភាក្សាសន្តិភាពហើយលោក Ford បាននិយាយថា លោកមិនអាចតំណាងឲ្យភាគីទាំងពីរនេះបានទេ។
លោកចាមីលបានប្រាប់បណ្តាញទូរទស្សន៍ផ្កាយរណបអារ៉ាប់ដែលមាន មូលដ្ឋាននៅក្រុងឡុងដ៍Al-Mayadeenថា លោកគ្រោងនឹងត្រឡប់ទៅដាម៉ាសវិញដើម្បីការពារជំនួបរបស់លោកនៅ បរទេស។
លោកបានថ្លែងថា៖«ជំនួបយើងជាមួយភាគីអន្តរជាតិដើម្បីបញ្ឈប់ការបង្ហូរឈាមស៊ីរីគឺស្របច្បាប់»។
កាសែតលីបង់បានរាយការណ៍ថា លោកចាមីលនិងគ្រួសារបាននិងកំពុងតែរស់នៅក្រុងម៉ូស្គូជាច្រើន សប្តាហ៍មកហើយជាទីដែលអតីតសមាជិកបក្សកុម្មុយនីស្តស៊ីរីរូបនេះ ធ្លាប់បានសិក្សាខាងសេដ្ឋកិច្ចនៅទីនោះ។
ចំពោះមុខព្រួញការទូតលោក មួលឡឹមបានថ្លែងថា៖«ស៊ីរីនឹងចូលរួមសន្និសីទហ្សឺណែវ២ដោយផ្អែកលើ សិទ្ធិផ្ដាច់មុខរបស់ពលរដ្ឋស៊ីរីដើម្បីជ្រើសរើសអនាគតនយោបាយរបស់ ខ្លួនជ្រើសរើសក្រុមមេដឹកនាំខ្លួននិងទាត់ចោលអន្តរាគមន៍គ្រប់រូបភាព ពីខាងក្រៅ»។
លោកបានបន្ថែមថា៖ «កិច្ចចរចានេះនឹងកើតឡើងរវាងពលរដ្ឋស៊ីរី»ដោយទាត់ចោលអន្តរាគមន៍ ទាំងក្នុងតំបន់និងអន្តរជាតិនៅក្នុងកិច្ចចរចាណាមួយ៕ PN By Phnom Penh Post
No comments:
Post a Comment