ផលិតផលក្រុមហ៊ុន Nestle ដាក់លើធ្នើក្នុងទូក្លាសេនៅការិយាល័យកណ្តាលរបស់ក្រុមហ៊ុន។ រូបថត Bloomberg
ក្រុងវេវ័យៈ ក្រុមហ៊ុន Nestle SA ដែលជាក្រុមហ៊ុនផលិតចំណីអាហារធំជាងគេរបស់ពិភពលោក កំពុងស្វែងរកឥណទានថ្មីចំនួនប្រមាណ ១០ ពាន់លានអឺរ៉ូ (១៣ ពាន់លានដុល្លារ) នេះបើយោងតាមប្រភពចំនួនបីដែលបានដឹងពីបញ្ហាឥណទាននេះ។
ប្រភពដដែល ដែលបានស្នើសុំមិនបង្ហាញអត្តសញ្ញាណដោយសារប្រតិបត្តិការនេះគឺជា រឿងឯកជនបានបន្តឲ្យដឹងថា ក្រុមហ៊ុនផលិតកាហ្វេ Nescafe មួយនេះ កំពុងស្វែងរកឥណទានរយៈពេល ១ឆ្នាំ និងរយៈពេល ៥ឆ្នាំ ដើម្បីយកមកទូទាត់សងបំណុលចាស់ដែលមានចំនួនប្រមាណ ៥ ពាន់លានអឺរ៉ូ ដែលត្រូវដល់ថ្ងៃកំណត់សងនៅខែក្រោយនេះ និងបំណុលចំនួន ៥ ពាន់លានអឺរ៉ូ ដែលនឹងដល់ថ្ងៃកំណត់ត្រូវសងនៅឆ្នាំ ២០១៥។
ប្រភពដដែលនេះ បានបន្តឲ្យដឹងទៀតថា ក្រុមហ៊ុន Nestle នឹងផ្តល់ជូនការប្រាក់បឋមក្នុងអត្រា ០,១ ភាគរយ ពោលគឺមានអត្រាខ្ពស់ជាងអត្រាការប្រាក់កម្ចីគោលសម្រាប់បំណុលរយៈ ពេល ១ឆ្នាំ និងអត្រាការប្រាក់ ០,១២៥ ភាគរយសម្រាប់បំណុលរយៈពេល ៥ឆ្នាំ។
ប្រភពដដែល បានបន្តឲ្យដឹងថា ក្រុមហ៊ុនផលិតភេសជ្ជៈដែលមានមូលដ្ឋាននៅទីក្រុងវេវ័យ ប្រទេសស្វ៊ីសមួយនេះកំពុងរៀបចំការខ្ចីប្រាក់នេះដោយខ្លួនឯង ផ្ទាល់។ ក្រុមហ៊ុន Citigroup Inc កំពុងជួយសម្របសម្រួលប្រតិបត្តិការស្វែងរកឥណទាននេះ ហើយក្រុមហ៊ុនមួយនេះនឹងក្លាយទៅជាភ្នាក់ងាររបស់ក្រុមហ៊ុន Nestle ផងដែរ។
លោក Philippe Aesch-limann អ្នកនាំពាក្យរបស់ក្រុមហ៊ុន Nestle បានថ្លែងថា រាល់សំណួរនានា ដែលទាក់ទងទៅនឹងឥណទានបង្វែរទៅឲ្យសួរទៅកាន់ក្រុមហ៊ុន Citigroup វិញ។ ក្រុមមន្ត្រីក្រុមហ៊ុន Citigroup ដែលបានស្នើសុំមិនប្រាប់ឈ្មោះ ដោយសារបញ្ហានេះគឺជាបញ្ហាឯកជននោះ បានបដិសេធផ្តល់ការបំភ្លឺស្តីពីហិរញ្ញប្បទាននេះ៕ Bloomberg/BP By Phnom Penh Post
No comments:
Post a Comment