សមត្ថកិច្ចឆែកឆេររថយន្តមជ្ឈមណ្ឌលសិទ្ធិមនុស្សកម្ពុជា។ រូបថត ម៉ៃ វីរៈ
ភំ្នពេញៈ សាលារាជធានី ភ្នំពេញ
កាលពីម្សិលមិញបានការពារសកម្មភាពរបស់ប៉ូលិស
និងសន្តិសុខដែលឃាត់និងឆែករថយន្តរបស់អង្គការក្រៅរដ្ឋាភិបាល
ហើយរារាំងក្រុមអ្នកតវ៉ាដែលព្យាយាមចាកចេញពីតំបន់ បឹងកក់។
នគរបាលខណ្ឌ ដូនពេញ សន្តិសុខ
និងកងរាជអាវុធហត្ថរាប់សិបនាក់រាំងស្ទាក់ផ្លូវក្បែរមន្ទីរពេទ្យ
កាល់ម៉ែត ខណៈបាតុករព្យាយាមធ្វើដំណើរទៅវត្តភ្នំនិងតុលាការកំពូលនៅ
ព្រឹកថ្ងៃពុធ ដើម្បីគម្រប់ខួប ១ ឆ្នាំនៃការចាប់ខ្លួនអ្នកស្រី
យ៉ោម បុប្ផា សកម្មជនពួកគេ។
បន្ទាប់ពីអាជ្ញាធររឹបអូសគ្រឿងបរិក្ខារបាតុកម្ម អភិបាលខណ្ឌ លោក
សុខ សម្បតិ្ត
បានបញ្ជាឲ្យសមត្ថកិច្ចចម្រុះឃាត់រថយន្តមួយដែលដឹកបុគ្គលិក
មជ្ឈមណ្ឌល សិទិ្ធមនុស្សកម្ពុជា។ លោកថ្លែងថា៖ «យើងសង្ស័យថា
រថយន្តកំពុងដឹករបស់របរឲ្យបាតុករ»។ ប៉ុន្តែ
លោកមិនបញ្ជាក់អំពីមូលហេតុនៃការឆែកឆេរនោះឡើយ។
ភ្នំពេញ ប៉ុស្តិ៍ បានឮមន្រ្តីនគរបាលនិយាយគ្នាថា គេជឿថា
រថយន្តកំពុងដឹកជញ្ជូនរបស់ឃោសនាប្រឆាំងរដ្ឋាភិបាលនិងរបស់ខុស
ច្បាប់។ មន្រ្តីម្នាក់ទៀតថា៖ «រថយន្តខ្លះ យើងបញ្ឈប់ពីមុន
មានដឹកជញ្ជូនឈើប្រណីត ដូច្នេះ ឥឡូវយើងសង្ស័យថា
រថយន្តអង្គការនេះដឹករបស់ខុសច្បាប់»។
មន្រ្តីទី៣ បានប្រាប់អ្នកបើកបររថយន្តនោះថា៖ «ប្រសិនបើអ្នកមិនដឹករបស់ខុសច្បាប់ អ្នកគួរឲ្យយើងឆែកឆេរមើល»។
ភ្លាមៗនោះ
អាជ្ញាធរបានឆែកឃ្លុបក្រោយរថយន្តដែលមានរូបសញ្ញាមជ្ឈមណ្ឌល សិទិ្ធ
មនុស្សកម្ពុជានិងសហភាពអឺរ៉ុប ប៉ុន្តែរកឃើញមាន ដូចជា ផ្កាឈូក
និងអាវយឺតដែលទាមទារឲ្យដោះលែងលោកស្រី យ៉ោម បុប្ផា។
លោក វាន់ សូផាត
អ្នកសម្របសម្រួលផ្នែកកំណែទម្រង់ដីធ្លីរបស់មជ្ឈមណ្ឌលនេះថ្លែងថា៖
«យើងមិនបានដឹកគ្រឿងផ្ទុះឬថ្នាំញៀនឬអ្វីខុសច្បាប់ទេ។
គេព្យាយាមឆែករថយន្តយើងដោយមិនអនុវត្តតាមនីតិវិធី»។
«ខ្ញុំខ្លាចគេនឹងលួចដាក់របស់ខុសច្បាប់ នៅ ពេលគេឆែក។
ខ្ញុំស្នើឲ្យគេអញ្ជើញព្រះរាជអាជ្ញាមកនិងឆែក
តែគេមកក៏អនុញ្ញាតឲ្យយើងទៅ»។
នៅថ្ងៃត្រង់ព្រះរាជអាជ្ញារង ជួន ណារិន បានមកដល់
ហើយបានឆែកឆេររថយន្តដោយមានវត្តមានតំណាងពីអង្គការក្រៅរដ្ឋាភិបាល
ដទៃទៀត សហគមន៍អឺរ៉ុប និងអង្គការសហប្រជាជាតិ។
គ្មានអ្វីត្រូវបានរកឃើញឡើយ
លើកលែងរបស់សម្រាប់ការធ្វើបាតុកម្មរបស់អ្នកភូមិ បឹងកក់ ហើយភ្លាមៗ
នោះរថយន្តយើងត្រូវបានអនុញ្ញាតឲ្យបើកចេញ៕ TK By Phnom Penh Post
No comments:
Post a Comment