លោក សុខ អាន នៅក្នុងជំនួបជាមួយឯកអគ្គរាជទូតជប៉ុនលោក Kuji Kumararu កាលពីម្សិលមិញ។ រូប លីណា
ភ្នំពេញៈ
មន្រ្តីជាន់ខ្ពស់គណបក្សប្រជាជនកម្ពុជាកាលពីថ្ងៃអង្គារបាន
ធានាអះអាងទៅកាន់ម្ចាស់ជំនួយបរទេសថា
រដ្ឋសភាថ្មីនិងរដ្ឋាភិបាលថ្មីនឹងបង្កើតឡើងទៅតាមកាលកំណត់
ក្នុងរយៈពេល ៦០ ថ្ងៃបន្ទាប់ពីការបោះឆ្នោតជាតិខែ កក្កដា។
ការអត្ថាធិប្បាយនេះបានធ្វើឡើងកាលពីថ្ងៃអង្គារបន្ទាប់ពីលោក
សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីបានប្រារព្ធ
កិច្ចពិភាក្សាទ្វេភាគីផ្សេងគ្នាមួយដើម្បីធ្វើការអះអាងជាថ្មីទៅ
កាន់អគ្គរាជទូតជប៉ុន លោក Kuji Kumararu
និងអគ្គរាជទូតអូស្រ្តាលីលោកស្រី Alison Burrows ថា
«វាមិនមានភាពជាប់គាំងនយោបាយទេ»។
អ្នកនាំពាក្យម្នាក់នៃទីស្តីការគណៈរដ្ឋមន្រ្តី លោក ឯក ថា
បានថ្លែងថា៖ «លោកឧបនាយករដ្ឋមន្រ្តី សុខ អាន បានអះអាងថា
តាមច្បាប់ស្តីពីរដ្ឋសភា
និងបទប្បញ្ញត្តិផ្ទៃក្នុងនិងរដ្ឋធម្មនុញ្ញកម្ពុជា
បានតម្រូវឲ្យមានតំណាងរាស្រ្តតែ ៦៣
រូបប៉ុណ្ណោះសម្រាប់សម័យប្រជុំទីមួយ
សម្រាប់ការបង្កើតរដ្ឋសភានិងរដ្ឋាភិបាល»។
លោកបានថ្លែងថា ក្នុងអំឡុងកិច្ចជំនួបអគ្គរាជទូតជប៉ុន
បានកោតសរសើរចំពោះគណបក្សប្រជាជនកម្ពុជា
និងគណបក្សសង្គ្រោះជាតិដែលបន្តចរចាដោយសន្តិវិធីដោះស្រាយបញ្ហានៃ
ភាពជាប់គាំងនយោបាយ។
ក្នុងជំនួបដាច់ដោយឡែកមួយផ្សែងទៀត ជាមួយលោក សុខ អាន
ឯកអគ្គរាជទូត
អូស្រ្តាលីប្រចាំប្រទេសកម្ពុជាបានធ្វើការអំពាវនាវឲ្យអ្នកនយោបាយ
កម្ពុជាដោះស្រាយជម្លោះដោយខ្លួនឯង ដោយសារជាជម្លោះផ្ទៃក្នុង
និងគ្មានការជ្រៀតជ្រែកពី [ប្រទេស] បរទេស។
លោក ឯក ថា បាននិយាយថា៖ «លោកឧបនាយករដ្ឋមន្រ្តី សុខ អាន
បានបញ្ជាក់ទៅឯកអគ្គរាជទូត អូស្រ្តាលី ថា ការបោះឆ្នោតគឺសេរី និង
យុត្តិធម៌
និងជាការបោះឆ្នោតគ្មានហិង្សាហើយមានអ្នកសង្កេតការណ៍ជាតិចំនួន
១៩០០០ នាក់ និងអ្នកសង្កេតការណ៍អន្តរជាតិចំនួន ២០០ នាក់
[បានចូលរួមសង្កេតការណ៍លើការបោះឆ្នោត]»។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ
បានថ្លែងជាដដែលអំពីឆន្ទៈនយោបាយរបស់ខ្លួនថា
នឹងផ្តោតតែលើការដឹកនាំមហាបាតុកម្មដើម្បីអំពាវនាវឲ្យ
មានយុត្តិធម៌សម្រាប់ប្រជាជនកម្ពុជាបន្ទាប់ពីគណបក្សនេះបានចោទ
ប្រកាន់ថាមានភាពមិនប្រក្រតីនៃការបោះឆ្នោត។
លោក សុវណ្ណ បានថ្លែងថា៖ «ខ្ញុំមិនចាប់អារម្មណ៍
[ជាមួយការជជែករបស់គណបក្សប្រជាជន
កម្ពុជាអំពីការបង្កើតរដ្ឋសភាថ្មីនិងរដ្ឋាភិបាលថ្មីទេ]»។
លោក គល់ បញ្ញា នាយកប្រតិបត្តិនៃអង្គការខុម ហ្វ្រែល
បានថ្លែងកាលពីថ្ងៃអង្គារថា
ការបកស្រាយនៃច្បាប់អំពីកូរ៉ុមនៃតំណាងរាស្រ្តសម្រាប់សម័យប្រជុំ
ទីមួយរបស់រដ្ឋសភានៅតែមានភាពស្មុគស្មាញ ហើយនាំឲ្យមានវិបត្តិ។
លោកថ្លែងបន្តថា៖ «រហូតមកដល់ពេលនេះ ការបកស្រាយនៃ
ច្បាប់សម្រាប់កូរ៉ុមដើម្បីកោះហៅសម័យប្រជុំទីមួយរបស់
រដ្ឋសភានៅមានភាពផ្ទុយគ្នានៅឡើយក្នុងចំណោមអ្នកជំនាញរបស់គណបក្ស
ប្រជាជនកម្ពុជា គណបក្សសង្គ្រោះជាតិ និងសង្គមស៊ីវិល»៕ PS By Phnom Penh Post
No comments:
Post a Comment