នាវាដឹកទំនិញ Trans Summerលិចចំហៀងខ្លួនដោយសារព្យុះ Utor។ AFP
ក្រុងហុងកុងៈ នាវាដឹកទំនិញវែងដល់១៩០ម៉ែត្រមួយគ្រឿងបាន
លិចក្នុងសមុទ្រក្បែរក្រុងហុងកុងកាលពីថ្ងៃពុធ
ក្នុងព្យុះកំណាចមួយដែលបានវាយប្រហារបោកបក់ដោយរលកខ្ពស់ៗនិងបង្ខំ
ឲ្យភាគច្រើននៃក្រុងនេះបិទទ្វារបន្ទាប់ពីសម្លាប់មនុស្ស៦នាក់នៅ
ហ្វីលីពីន។
ទីភ្នាក់ងារព័ត៌មាន ស៊ិនហួបាននិយាយថា
សន្ទុះខ្យល់រហូតដល់១៥០គ.ម. ក្នុងមួយម៉ោងនៅកណ្តាលព្យុះUtor
បានធ្វើឲ្យបោកបក់មកដល់ចិនដីគោកកាលពីវេលាម៉ោង៣និង៥០នាទីរសៀល
លើក្រុងយ៉ាងជាំងខាងត្បូង។
ស៊ិនហួបាននិយាយថា
មនុស្សជាង១៥៨ពាន់នាក់ត្រូវបានជម្លៀសពីលំនៅឋាននៅភាគខាងត្បូង
ចិនមុនពេលព្យុះទៅដល់ដោយព្រមានពីភ្លៀងធ្ងន់ធ្ងរនិងខ្យល់បក់
ខ្លាំង។
នាវិក២១នាក់របស់នាវាដឹកទំនិញខ្នាតធំTans Summer
បានបោះបង់ចោលនាវាខណៈវានានេះ បានផ្អៀងទៅចំហៀងខ្លួន
និងបានលិចក្នុងចម្ងាយ៨០គ.ម.ភាគនិរតីនៃក្រុងហុងកុងដែលបង្កឲ្យ
មានការជួយសង្គ្រោះមួយនៃក្រុមឧទ្ធម្ភាគចក្រពីរគ្រឿង
និងនាវាដែលកំពុងឆ្លងកាត់មួយគ្រឿង។
លោក Samuel Yip
មកពីសេវាកម្មហោះហើរក្រុងបានប្រាប់AFPថា៖«រលកមានកម្ពស់ពី១០ទៅ
១៥ម៉ែត្រ។ ខ្យល់មានល្បឿន៩០គីឡូម៉ែត្រក្នុងមួយម៉ោង»។
លោកបានបន្ថែមថា៖ «ក្រុមសង្គ្រោះជើងអាកាសបានឃើញនាវានោះ
បានផ្អៀងទៅ ចំហៀងខាងឆ្វេង ប្រមាណជា២០ទៅ៣០ដឺក្រេ
និងបានចាប់ផ្តើមលិចនៅពេលវាបានផ្អៀងស្ទើរតែ៩០ដឺក្រេ»។
លោក Alan Loynd នាយកគ្រប់គ្រងនៃក្រុមពិគ្រោះសមុទ្រ Branscombe
បាននិយាយថានាវាប្រភេទនេះត្រូវបានឌីហ្សាញឡើងដើម្បីទប់ទល់នឹង
អាកាសធាតុអាក្រក់ដូច្នេះមានអ្វីម្យ៉ាងមិនត្រឹមត្រូវ។
លោកបានប្រាប់AFPថា ៖ «បើសិនជាមានខូចម៉ាស៊ីន ដូច្នោះវាអាចវិលចំហៀងនាវាចុះឡើងទៅតាមអាកាសធាតុ»៕ CC By Phnom Penh Post
No comments:
Post a Comment