ការសាងសង់សណ្ឋាគារថ្មីនៅទីក្រុង បាងកក នាពលកន្លងមក។ រូបថតBloomberg
បាងកកៈ
ការអង្កេតចុងក្រោយដោយក្រុមហ៊ុនពិគ្រោះយោបល់អចលនទ្រព្យអន្តរជាតិ
ឈានមុខ (CBRE) របស់ថៃបង្ហាញថា ចំនួនបន្ទប់សណ្ឋាគារនៅទីក្រុង បាងកក
បានកើនឡើង ១២,១ ភាគរយធៀបនឹងរយៈពេលដូចគ្នាកាលពីឆ្នាំមុន
ខណៈការសាងសង់សណ្ឋាគារថ្មីចំនួន ៦ ត្រូវបានបញ្ចប់នៅឆមាសទី១ ឆ្នាំ
២០១៣ ដែលមានចំនួនសរុបកើនរហូតដល់ ៣៧ ៥០០ បន្ទប់
នៅទីប្រជុំជនទីក្រុង បាងកក។
CBRE បានព្យាករថានឹងបន្ថែមបន្ទប់ចំនួន ៤ ៤០០
ទៀតនៅត្រឹមចុងឆ្នាំ ២០១៥ ដែលបង្កើនចំនួនសរុបជិត ៤២ ០០០ បន្ទប់។
ការព្យាករនេះបង្ហាញពីការកើនឡើង ១១,៩
ភាគរយលើសពីតួលេខបច្ចុប្បន្ន។
សណ្ឋាគារថ្មីៗស្ទើរតែទាំងអស់គឺជាអគារខ្ពស់ៗ។
តំបន់ពេញនិយមបំផុតសម្រាប់ការសាងសង់សណ្ឋាគារគឺជាតំបន់
Ploenchit/Sukhumvit មានចំនួន ៦៥
ភាគរយនៃការផ្គត់ផ្គង់ចំនួនសណ្ឋាគារសរុប និងសណ្ឋាគារ ៤
ក្នុងចំណោមសណ្ឋាគារថ្មីចំនួន ៦ បានបើកដំណើរការ នៅតំបន់នេះ។ តំបន់
Silom/Sathorn មានចំនួន ២១ ភាគរយនៃភាគហ៊ុនសណ្ឋាគារសរុប
ខណៈតំបន់មាត់ទន្លេមានចំនួន ១៤ ភាគរយ។ បន្ទប់ថ្មីប្រហែល ២ ២៥០
នៅក្នុងកម្រិតផ្សេងៗគ្នានឹងត្រូវបញ្ចប់នៅឆមាសទី២ ឆ្នាំ ២០១៣។
CBRE និយាយថា
កម្រិតនៃការប្រកួតប្រជែងដោយសារការបើកដំណើរការសណ្ឋាគារ
ថ្មីៗគឺនៅមានកម្រិតខ្ពស់ទោះបីជានិន្នាការផ្គត់ផ្គង់នៅឆ្នាំ
នេះកំពុងលើកទឹកចិត្តសម្រាប់ឧស្សាហកម្មសំណង់
ខណៈការអនុញ្ញាតលើការសាងសង់បានធ្លាក់ចុះគួរឲ្យកត់សម្គាល់
ក្នុងរយៈពេល ២ ឆ្នាំកន្លងមកនេះ។
លោក James Pitchon ប្រធានក្រុមហ៊ុន CBRE Research & Consulting
នៅប្រទេស ថៃ បានថ្លែងថា៖
«បញ្ហាប្រឈមដ៏ធំសម្រាប់ម្ចាស់សណ្ឋាគារនឹងបង្កើនតម្លៃបន្ទប់
ដែលមិនខ្ពស់គួរឲ្យកត់សម្គាល់ទេ នៅរយៈ ៥ ឆ្នាំចុងក្រោយនេះ។
ជាចុងក្រោយនៅឆមាសទី២ ឆ្នាំ ២០១៣
ទំនងជាអាចមើលឃើញកំណើនវិនិយោគិនច្រើនជាងការផ្គត់ផ្គង់ថ្មី
ដែលធ្វើឲ្យម្ចាស់សណ្ឋាគារបង្កើនតម្លៃជួលបន្ទប់»។ លោកបន្តថា
មានឱកាសដ៏សំខាន់សម្រាប់សណ្ឋាគារសម្រាប់វិនិយោគិននៅប្រទេសថៃ ខណៈ
វិនិយោគិនកាន់តែច្រើនឡើងចង់បានស្ថិរភាពក្នុងផ្នែកគុណភាពក៏ដូចជា
តម្លៃ
ប៉ុន្តែបច្ចុប្បន្នមានចំនួនកំណត់សម្រាប់អ្នករកស៊ីក្នុងវិស័យនេះ
ជាមួយនឹងផលិតផលមានស្លាកយីហោក្នុងទីផ្សារនេះ៕ PB
By Phnom Penh Post
No comments:
Post a Comment