ភ្នំពេញៈយោងតាមទិន្និន័យពី ការិយាល័យលេខារដ្ឋានច្រកចេញចូលតែមួយបានឲ្យដឹងថា ការនាំចេញអង្ករ របស់កម្ពុជានៅរយៈពេល ៥ខែដំបូងដើមឆ្នាំ ២០១៣នេះសម្រេចបានប្រមាណជាង ១៤ម៉ឺនតោន។ តួលេខនេះកើនឡើង ១២៦% បើប្រៀបធៀបនឹងរយៈពេលដូចគ្នាកាលពីឆ្នាំមុន ដែលកាលនោះមាន ប្រមាណជាង ៦ម៉ឺនតោន។
ទិន្ន័យនេះបង្ហាញទៀតថា រយៈពេល ៥ខែនេះកម្ពុជាបាននាំចេញអង្ករទៅកាន់ជាង ៤០ ប្រទេសនៅ លើសកលលោក។ ដែលក្នុងនោះប្រទេសបារាំងឈនៅលំដាប់ទី ១ សម្រាប់ការទិញអង្ករ ពីកម្ពុជា បន្ទាប់មកប្រទេសប៉ូឡូញឈនៅលំដាប់ទី ២ ប្រទេសថៃនៅលេខរៀងទី ៣ ប្រទេសម៉ាឡេស៊ី ឈនៅ លេខរៀងទី ៤ និងលេខរៀងទី ៥ គឺប្រទេសចិន។
កំណើននេះត្រូវបានមន្ត្រីរដ្ឋាភិបាលអះអាងថា ដោយសារតែគោលនយោបាយជំរុញផលិតកម្មស្រូវ និងបង្កើនការនាំចេញអង្កររបស់រដ្ឋាភិបាល។
ឯកឧត្តម ហ៊ាន វ៉ាន់ហន ប្រធានលេខាដ្ឋានច្រកចេញចូលតែមួយបានមានប្រសាសន៍ថា ការកើនឡើង នៃការនាំចេញអង្កររបស់កម្ពុជានេះ ដោយសារតែការខិតខំរបស់រដ្ឋាភិបាលក្នុងការជំរុញឲ្យប្រជាកសិ ករបង្កើនផលិតកម្មស្រូវ លើកទឹកចិត្តឲ្យមានការវិនិយោគបន្ថែមឧស្សាហកម្មកែច្នៃអង្ករ និងជំរុញឲ្យ ម្ចាស់រោងម៉ាស៊ីនកិនស្រូវបង្កើនសកម្មភាពទិញស្រូវ និងកែច្នៃនាំចេញ។
ឯកឧត្តមបន្តថា ក្នុងនោះរដ្ឋាភិបាលក៏បានខ្នះខ្នែងសម្រួលដល់ការនាំចេញ សាងសង់ហេដ្ឋារចនា សម្ព័ន និងខិតខំពង្រីកទីផ្សារសម្រាប់នាំចេញផងដែរ។
រដ្ឋាភិបាលបានដាក់ចេញគោលនយោបាយជំរុញផលិតកម្មស្រូវ និងបង្កើនការនាំចេញអង្ករកាលពីឆ្នាំ ២០១០។ ក្នុងនោះរដ្ឋាភិបាលបានកំណត់នូវការនាំចេញរបស់ខ្លួនឲ្យបានយ៉ាង ហោចណាស់ ១លាន តោននៅត្រឹមឆ្នាំ ២០១៥។
ឯកឧត្តម ហ៊ាន វ៉ាន់ហន បានបន្ថែមទៀតថា តាមកំណើនសន្ទុះនៃការនាំចេញអង្កររបស់កម្ពុជានៅ ពេលនេះ បានបង្ហាញឲ្យឃើញថា ទិសដៅនាំចេញ ១លានតោននៅឆ្នាំ ២០១៥ នឹងសម្រេចបានជោគ ជ័យ។
តាមការអះអាងរបស់ពាណិជ្ជកររកស៊ីវិស័យស្រូវ-អង្ករបានឲ្យដឹងថា បច្ចុប្បន្នអង្ករក្រអូបប្រភេទលេខ មួយសម្រាប់នាំចេញមួយតោនមានតម្លៃ ៩៨០ដុល្លារអាមេរិក ខណៈកាលពីឆ្នាំមុនមានតម្លៃប្រមាណ ៩៣០ ដុល្លារអាមេរិក។
តួលេខពីក្រសួងពាណិជ្ជកម្មបង្ហាញថា ការនាំចេញអង្ករបស់កម្ពុជាកាលពីឆ្នាំ ២០១២ កន្លងនៅនេះ សម្រេចបានប្រមាណជាង ១៨ម៉ឺនតោន។ស្រីស
No comments:
Post a Comment