ប្រធានាធិបតី មីយ៉ាន់ម៉ា លោក ថេន សេន ថ្លែងនៅអាមេរិកក្នុងខែឧសភា។ AFP
ក្នុងសុន្ទរកថាតាមវិទ្យុមួយលោកប្រធានាធិបតីថេន សេនបានថ្លែងថា ប្រទេសមីយ៉ាន់ម៉ាបានបង្កើតគណៈកម្មាធិការមួយដើម្បីពិនិត្យមើលករណី ទាំងឡាយ របស់អ្នកទោសនយោបាយហើយ«អ្នកទោសនយោបាយទាំងអស់នឹងត្រូវដោះលែងក្នុង ពេលឆាប់ៗនេះ»។
លោកបានថ្លែងថា៖«យើងកំពុងត្រូវការពេលវេលាដើម្បីស៊ើបអង្កេតពី ករណីជាច្រើន ដែលធ្វើឲ្យច្រឡំគ្នារវាងបទល្មើសឧក្រិដ្ឋកម្មនិងបទល្មើសនយោបាយ» ដោយបន្ថែមថា អ្នកដែលត្រូវផ្ដន្ទាទោសពីបទឧក្រិដ្ឋកម្មហិង្សាទាក់ទងនឹងទង្វើ នយោបាយ«សមតែទទួលទោសរបស់ពួកគេ»។
ក្រុមឧត្តមសេនីយ៍យោធា ដែលបានគ្រប់គ្រងជាច្រើនទសវត្សរ៍បានបដិសេធថាពុំមានអ្នកទោសនយោយបាយទេ។
ប៉ុន្តែអ្នកទោសនយោបាយរាប់រយនាក់ត្រូវបានដោះលែងចាប់តាំងពី ប្រធានាធិបតីកំណែទម្រង់លោកថេន សេនបានឡើងកាន់អំណាចកាលពីឆ្នាំ២០១១ម្ល៉េះ ហើយកាលពីខែវិច្ឆិកាបានប្រកាសត្រួតពិនិត្យឡើងវិញលើករណី «ពាក់ព័ន្ធនយោបាយទាំងអស់»។
ទោះយ៉ាងណាក្រុមសកម្មជននិយាយថា អ្នកទោសនយោបាយចំនួន២០០នាក់នៅក្នុងគុកនៅឡើយ។ ពួកគេបានចោទប្រកាន់រដ្ឋាភិបាលមីយ៉ាន់ម៉ាពីបទប្រើពាក្យលើកលែងទោស ដើម្បីចំណេញនយោបាយដោយដឹងថា សហគមន៍អន្តរជាតិកំពុងឃ្លាំមើល។
នៅក្នុងការលើកលែងអ្នកទោសចុងក្រោយកាលពីខែឧសភាអ្នកជាប់ឃុំ ខាងនយោបាយជាង២០នាក់ត្រូវបានដោះលែងមុនពេលមានដំណើរទស្សនកិច្ចជា ប្រវត្តិសាស្ត្ររបស់លោកថេន សេនទៅសេតវិមាន៕ PN: By Phnom Penh Post
No comments:
Post a Comment