វ៉ាស៊ីនតោន៖ រដ្ឋមន្ត្រីការពារជាតិសហរដ្ឋអាមេរិកលោក Chuck Hagel បានថ្លែងក្នុងសន្និសិទ្ធកាសែតនៅឯមន្ទីរប៉ង់តាហ្គោនកាលពី ម្សិលមិញនេះថា សហរដ្ឋអាមេរិកនឹងជាចាំបាច់ត្រូវតែពិភាក្សាត្រួសត្រាយផ្លូវជាមួយ ប្រទេសចិន ក៏ដូចជាប្រទេសអន្តរជាតិដទៃទៀតក្នុងបញ្ហាសង្គ្រាមបច្ចេកវិទ្យា វាយលុកតាម Internet ដែលវាប៉ះពាល់យ៉ាងខ្លាំងដល់កិច្ចការសម្ងាត់ជាតិ។
សន្និសិទ្ធកាសែតនេះធ្វើឡើងក្រោយពេលដែលប៉ង់តាហ្គោនបានរក ឃើញថាមានសញ្ញាណ Hacker បានចូលលួចយកឯកសារសម្ងាត់ស្ដីពីអាវុធសង្គ្រាមសហរដ្ឋអាមេរិកអស់ជា ច្រើនមុខកាលពីពេលថ្មីៗនេះ។
លោកបាននិយាយថា សហរដ្ឋអាមេរិកបានដឹងច្បាស់ណាស់ថាបញ្ហាលុកលុយនេះវាមានប្រពភព មកពីណា លោកនិយាយបែបនេះមុនពេលដែលលោកឡើងយន្តហោះទៅកាន់សឹង្ហបូរី ដើម្បីចូលរួមកិច្ចប្រជុំ Shangri-La ប្រចាំឆ្នាំ ដែលអាចនឹងមានភាគីចិនផងដែរ ហើយជាមួយគ្នានេះក្រុមការពារការវាយប្រហារលើប្រព័ន្ធ Internet របស់សហរដ្ឋអាមេរិក នឹងត្រូវធ្វើកិច្ចប្រជុំជាមួយបណ្ដាប្រទេសអង្កការ NATO នៅអាទិត្យក្រោយផងដែរ។
គួរបញ្ជាក់ផងដែរថាប្រទេសចិនកំពុងក្លាយជាមុខសញ្ញាគ្រោះថ្នាក់ មួយពីសំណាក់ប្រទេសមហាអំណាច ក្រោយពេលដែលមានព័ត៌មានថាមាន Hacker ចិនបានចោះចូលទៅលួចយកឯកសាសម្ងាត់របស់សហរដ្ឋអាមេរិក និងអូស្ត្រាលីមកនោះ ជាមួយគ្នានេះផងដែរប្រទេសមួយចំនួនកំពុងតែរៀបចំក្រុមការពារពិសេស លើបញ្ហានេះ ដូចជាតៃវ៉ាន់ជាដើម៕ ប្រែសម្រួលដោយ៖ វង្ស វឌ្ឍនា
No comments:
Post a Comment