ភ្នំពេញៈនៅក្រសួងសេដ្ឋកិច្ច និងហិរញ្ញវត្ថុ
នាថ្ងៃទី ៣០ ខែ ឧសភា ឆ្នាំ ២០១៣នេះ បានធ្វើពិធីចុះហត្ថលេខា
លើកិច្ចព្រមព្រៀងស្តីពីហត្ថលេខាដោះស្រាយបំណុលរបស់ព្រះរាជាណាចក្រ
កម្ពុជា ចំពោះសាធារ ណៈរដ្ឋប៉ូឡូញ រវាងរាជរដ្ឋាភិបាលកម្ពុជា
និងរដ្ឋាភិបាលនៃសាធារណៈរដ្ឋប៉ូឡូញ។កិច្ចព្រមព្រៀងនេះគឺធ្វើឡើងរវាងលោកឧបនាយករដ្ឋមន្ត្រី គាត ឈន់ រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ និងលោក Jerzy Bayer ឯកអគ្គរដ្ឋទូតនៃសាធារណរដ្ឋប៉ូឡូញប្រចាំនៅព្រះរាជាណាចក្រ កម្ពុជា។
តាមរយៈកិច្ចព្រមព្រៀងនេះ បំណុលរបស់កម្ពុជាចំពោះសាធារណរដ្ឋប៉ូឡូញមានប្រមាណ ១,៩៥លាន ដុល្លារអាមេរិក ដែលបានពីការធ្វើពាណិជ្ជកម្ម និងឥណទានសម្រាប់ការអភិវឌ្ឍន៍វិស័យផលិតកម្មនៅ កម្ពុជា នឹងត្រូវដោះស្រាយជាស្ថាពរ។
ដោយក្នុងនោះទឹកប្រាក់ប្រមាណជាង ៩,៧៦ សែនដុល្លារអាមេរិកនឹងត្រូវលុបចោលដោយរដ្ឋាភិបាល នៃសាធារណរដ្ឋប៉ូឡូញ។ ចំណែកទឹកប្រាក់នៅសល់ប្រមាណជាង ៩,៧៦លានដុល្លារអាមេរិកទៀត នឹងត្រូវផ្ទេរជាហិរញ្ញប្បទានឥតសំណង ដោយរដ្ឋាភិបាលនៃសាធារណរដ្ឋប៉ូឡូញសម្រាប់ផ្តល់ហិរញ្ញ ទានដល់ការងារស្តាឡើងវិញនូវសំណង់បូនីយដ្ឋាននៅក្នុង ព្រះរាជាណាចក្រកម្ពុជា។
លោកឧបនាយករដ្ឋមន្ត្រី គាត ឈន់ បានមានប្រសាសន៍ថា កិច្ចព្រមព្រៀងនេះបានឆ្លុះបញ្ចាំងឲ្យ ឃើញថា ទំនាក់ទំនងមិត្តភាព និងកិច្ចសហប្រតិបត្តិការដ៏ល្អប្រពៃរវាងរាជរដ្ឋាភិបាលកម្ពុជា និងរដ្ឋាភិ បាលប៉ូឡូញ នឹងកាន់តែពង្រឹង និងពង្រីកថែមទៀត ហើយនឹងត្រួសត្រាយផ្លូវផងដែរសម្រាប់ពង្រឹងកិច្ច សហប្រតិបត្តិការសេដ្ឋកិច្ចសហប្រតិបត្តិការសេដ្ឋកកិច្ចរវាងប្រទេស ទាំងពីរ ដែលនឹងផ្តល់ផលប្រ យោជន៍ទៅវិញទៅមករវាងប្រទេស និងប្រជាជនទាំងពីរ។
សូមជម្រាបថា ៖ នេះគឺជាកិច្ចព្រមព្រៀងលើកទី ៣ ហើយដែលកម្ពុជាបានដោះស្រាយបំណុលបែបនេះ ដោយលុបបំណុលយ៉ាងតិចពាក់កណ្តាល និងបង្វែរបំណុលដែលនៅសល់ជាហិរញ្ញប្បទានឥតសំ ណង បន្ទាប់ពីបានចុះកិច្ចព្រមព្រៀងដោះស្រាយបំណុលជាមួយសាធារណរដ្ឋឆែកនៅ ឆ្នាំ ២០០៨ និង សាធារណរដ្ឋហុងគ្រីនៅឆ្នាំ ២០០៩។ ដោយស្រីស
No comments:
Post a Comment