At.Madrid បើក​ទ្វារ​ទទួល​ Barcelona ដើម្បី​ដណ្ដើម​កៅអី​កំពូល​តារាង​ (Video Inside)

អេស្ប៉ាញៈ នៅថ្ងៃទី១២ មករាចុងសប្ដាហ៍នេះ ក្លឹបខ្លាំងៗ របស់អេស្ប៉ាញ គឺក្រុម Atletico Madrid នឹងបើកទ្វារស្វាគមន៍ ក្លឹបអ្នកមានបុណ្យ Barcelona ក្នុងការ ប្រកួត វគ្គជម្រុះជើងទី១ នៃពាន Spian Liga BBVA 2014 ដើម្បីប្រជែងគ្នា គ្រងតំណែងកំពូលតារាង ស្របពេលដែល ក្រុមទាំង២ ទទួលបាន ៤៦ពិន្ទុស្មើគ្នានោះ ។
សម្រាប់ជំនួប នៅក្នុងសប្ដាហ៍ទី១៩ ដែលជាថ្ងៃបញ្ចប់ការ ប្រកួតជម្រុះជើងទី១ពាន Spian Liga BBVA 2014 រវាងក្រុម Atletico Madrid និងក្រុម Barcelona កំពុងតែធ្វើឲ្យ អ្នកស្នេហាវិស័យ កីឡាក្នុងប្រទេសអេស្ប៉ាញ ក៏ដូចជាអ្នកគាំទ្រ តាមបណ្ដាប្រទេស ទូទាំងពិភពលោក មានការចាប់អារម្មណ៍ យ៉ាងខ្លាំង ដើម្បីចង់ដឹងអំពី លទ្ធផលនៃការជួបគ្នា នៅក្នុងលីកកំពូល របស់អេស្ប៉ាញ មួយនេះ ។
ឆ្លងការប្រកួត ១៨សប្ដាហ៍កន្លងមក ក្រុម Atletico Madrid និងក្រុម Barcelona គឺរកបាន ៤៦ពិន្ទុស្មើគ្នា ដោយក្នុងនោះធ្លាប់ ឈ្នះ១៦ ចាញ់១ និងស្មើ ១ប្រកួតដូចគ្នា ។ ប៉ុន្ដែដោយសារក្លឹប អ្នកមានបុណ្យ Barcelona រកបានគ្រាប់ចំណេញច្រើនជាង Atletico Madrid ៣៦-៣១នោះ Barcelona នៅតែគ្រង់តំណែង កំពូលតារាង លំដាប់លេខរៀង ទី១ ខណៈក្រុម Atletico Madrid ឈរនៅលំដាប់លេខរៀងទី២ ។
ប៉ុន្ដែបើសង្កេតមើលពីប្រវត្តិ ជួបគ្នាកាលពីចុងឆ្នាំ ២០១៣ កន្លងមកនេះ Barcelona និង Atletico Madrid មិនសូវទទួលបាន លទ្ធផលឈ្នះ ឬចាញ់នោះទេ ពោលភាគច្រើន គឺស្មើគ្នា ។ ដូច្នេះចាំមើល តើការជួបគ្នានា ចុងសប្ដាហ៍នេះ តើ Atletico Madrid អាចដណ្ដើមកៅអី កំពូលតារាងពី Barcelona បានដែរទេ ?
ប្រភពពី៖ lookingtoday