មក
ទល់ថ្ងៃទី១៥ ខែធ្នូ នេះ កម្ពុជាទទួលបានមេដាយមាស ៤ ប្រាក់ចំនួន ៧
និងមេដាយសម្រិត ១៥ ក្នុងការប្រកួតកីឡាស៊ីហ្គេម (Sea Games) លើកទី២៧
ដែលប្រទេសមីយ៉ាន់ម៉ា ឬភូមា ធ្វើជាម្ចាស់ផ្ទះ។គេហទំព័រស៊ីហ្គេម ចុះ ផ្សាយនៅថ្ងៃទី១៥ ធ្នូ ដែលប្រកាសលទ្ធផលមេដាយបណ្ដើរៗ ពីការប្រកួតនេះ បង្ហាញថា ប្រទេសថៃ (Thailand) បានឈ្នះមេដាយច្រើនជាងគេ ហើយប្រទេសដែលបានមេដាយតិចជាងគេនោះ គឺប្រទេសប្រទេសទីម៉ឡេស៍ (Timor-Leste) បានមេដាយសម្រិត១។
ខាងក្រោមនេះ ជាលទ្ធផលផ្សាយដោយគេហទំព័រស៊ីហ្គេម ថ្ងៃទី១៥ ធ្នូ គឺប្រទេសថៃ ឈ្នះមេដាយមាស ៤២ ប្រាក់ ៣៦ សម្រិត ៣៨។ មីយ៉ាន់ម៉ា (Myanmar) ដែលកាលមុននេះបានឈ្នះមេដៃនាំមុខគេនោះ បានធ្លាក់មកលេខរៀងទី២វិញ គឺបានមេដាយមាស ៣៦ ប្រាក់ ៣០ សម្រិត ៣៣។ ប្រទេសវៀតណាម (Vietnam) នៅរក្សាចំណាត់ថ្នាក់លេខ៣ ដដែល គឺមេដាយមាស ៣៥ ប្រាក់ ៣២ សម្រិត ៤០។
ឥណ្ឌូនេស៊ី (Indonesia) បានមេដាយមាស ៣១ ប្រាក់ ៤៦ សម្រិត ៤១។ ម៉ាឡេស៊ី (Malaysia) មាស ២១ ប្រាក់ ១៥ សម្រិត ៣៧។ ប្រទេសសិង្ហបុរី (Singapore) បានមេដាយមាស ១៥ ប្រាក់ ១២ សម្រិត ២១។ ប្រទេសហ្វីលីពីន (Philippines) មេដាយមាស ៩ ប្រាក់ ១២ សម្រិត ២១។ ប្រទេសឡាវ (Laos) ឈ្នះមេដាយមាស ២ ប្រាក់ ៥ សម្រិត ១៨។ ប្រទេសប្រ៊ុយណេ (Brunei) មេដាយមាស ១ សម្រិត ៤។ ចំណែកប្រទេសទីម៉ឡេស៍ បានមេដាយសម្រិត១៕
_______________________
ប្រភពព័ត៌មានពី៖ RFA
No comments:
Post a Comment