ភ្នំពេញៈ ក្រោយមានការប៉ះទង្គិចគ្នាចាប់តាំងពីព្រឹកថ្ងៃអង្គារនេះរវាង កម្មករ រោងចក្រ SL និង សមត្ថកិច្ចប៉ូលីសដែលបានរារាំងពួកគេកុំឲ្យដើរក្បួនទៅកាន់ផ្ទះ លោកនាយករដ្ឋមន្ត្រី និងបានកើតជាអំពើហិង្សាដុតឡាន និងម៉ូតូសមត្ថកិច្ចចំនួន ៣គ្រឿងមក ពេលនេះសមត្ថកិច្ចបានបាញ់គ្រាប់បែកផ្សែង ដើម្បីបំបែកហ្វូងបាតុករទាំងនោះ។
តាមសេចក្តីរាយការណ៍ពីអ្នកសារព័ត៌មានភ្នំពេញ ប៉ុស្តិ៍ ពីកន្លែងកើតហេតុ សមត្ថកិច្ចបាញ់គ្រាប់បែកផ្សែងនេះ ដើម្បីបំបែកហ្វូងបាតុករ និងរំដោះ សមត្ថកិច្ចមួយចំនួនដែលកំពុងនៅក្នុងវត្តស្ទឹងមានជ័យ ដែលត្រូវហ្វូងបាតុករហ៊ុំព័ទ្ធ ដោយសារតែសមត្ថកិច្ចទាំងនោះ បានប្រើអំពើហិង្សាមកលើកម្មករ បណ្តាលឲ្យរងរបួសជាច្រើននាក់ ទើបបាតុករតាមចាប់ពួកគេ។
បើតាមសេចក្តីរាយការណ៍បន្ថែម មានសម្លេងផ្ទុះគ្រាប់កាំភ្លើងចេញពីក្នុងវត្តផងដែរ។
អំពើហិង្សាកំពុងនៅតែបន្តទៀត ផ្លូវនៅម្តុំស្ពានស្ទឹងមានជ័យ កំពុងមានការកកស្ទះខ្លាំង។ By Phnom Penh Post
No comments:
Post a Comment