Tony Johnson(ស្តាំ)នឹងជួបកីឡាករអូស្ត្រាលី Chris
Lokteff
ក្នុងប្រភេទទម្ងន់ធ្ងន់នៃកម្មវិធីប្រកួតស្មារតីអ្នកប្រយុទ្ធ ONE
FC នៅក្រុងគូឡាឡាំពួ នាថ្ងៃសុក្រ។ ONEFC.COM
ព្រឹត្តិការណ៍ធំ ដែលពីដំបូងគ្រោងនឹង ដាក់ឲ្យប្រកួតបើកឆាកដណ្តើមជើងឯកពិភពលោកទម្ងន់ស្រាលវ៉េលធើវ៉េត ONE FC រវាងកីឡាករម៉ាឡេស៊ី Adam Kayoom (4-1) និងកីឡាករជើងចាស់ជប៉ុន Nobutatsu Suzuki (10-1-2) ត្រូវបានបង្ខំចិត្តផ្លាស់ប្តូរវិញដោយសារកីឡាករ Kayoom របួសបាក់ឆ្អឹងជំនីរមួយ ក្នុងអំឡុងពេលហ្វឹកហាត់។
អ្នកជំនួស គាត់នៅក្នុងការប្រកួតដំបូងនេះ ជាកីឡាករមិនដែលចាញ់ ព័រទុយហ្គាល់ Vitor Pinto (7-0) ថ្វីបើខ្សែក្រវាត់ទម្ងន់ស្រាលវ៉េលធើវ៉េត មិនត្រូវបានដាក់ឲ្យដណ្តើមក៏ដោយ។
ការជួបគ្នាក្នុងទម្ងន់រុយ ដែលបានស្នើរវាងកីឡាករប្រេស៊ីល Adriano Moraes (9-0) និងកីឡាករអាមេរិក Josh Paiva (4-0) ក៏ត្រូវបានផ្លាស់ប្តូរដែរ ដោយដាក់ឲ្យជួបកីឡាករYusup Saadulaev (10-3-1) ជំនួសឲ្យជនរួមជាតិរបស់គាត់ Paiva។ នេះ គឺជាការប្រកួត គូសំខាន់ផងដែរ។
នៅទីបំផុត ការប្រយុទ្ធគ្នាក្នុងទម្ងន់ធ្ងន់មួយ ត្រូវបានបន្ថែមដើម្បីធ្វើឲ្យរាត្រីនោះ មានការប្រកួត៦គូ ដោយកីឡាករអូស្ត្រាលី Chris Lokteff (11-1) ជួបកីឡាករអាមេរិកTony Johnson (7-1)។
កីឡាករតក់ សោភ័ណ្ឌ នៃក្លិបអ្នកប្រយុទ្ធ MMA កម្ពុជា ជាកីឡាករកម្ពុជាទីបី ក្នុងប៉ុន្មានខែជាប់ៗគ្នានេះ បានចូលរួមការប្រកួតក្នុងទ្រុង ONE FC នៅពេលដែលគេត្រូវឡើងទៅជួបកីឡាករជំនាញមួយថៃរបស់ប្រទេសម៉ាឡេស៊ី Saiful Merican (1-1)។
ក្រុមអ្នកគាំទ្រអាចទស្សនាសកម្មភាពប្រកួតដ៏គួរឲ្យចាប់អារម្មណ៍ នេះ ដោយផ្ទាល់នៅលើកញ្ចក់ទូរទស្សន៍ក្នុងស្រុក MyTV និងស្ថានីយទូរទស្សន៍ក្នុងតំបន់ Star Sports។ ការផ្សាយបន្តផ្ទាល់តាមកញ្ចក់ទូរទស្សន៍ MyTV គឺគ្រោងនឹងចាប់ផ្តើមពីម៉ោង៦:១០នាទីរសៀលថ្ងៃសុក្រ ខាងមុខនេះ៕ IN
No comments:
Post a Comment