Microsoft កំពុង​សាកល្បង Windows Phone 8.1

កាលពីខែសីហា កន្លងទៅ មានលេចឮព័ត៌មានមួយថា ក្រុមហ៊ុន Microsoft កំពុងតែសាកល្បង លើប្រព័ន្ធដំណើរការ Windows Phone 8.1 ដោយឡែកនៅពេលនេះ ក៏មានលេចឮព័ត៌មាន ដូចគ្នានេះជាថ្មី។
យោងតាមសារព័ត៌មានបច្ចេកវិទ្យាមួយបានឲ្យដឹងថា ក្រុមហ៊ុន Microsoft បានសំងំសាកល្បង ប្រព័ន្ធដំណើរការ Windows Phone 8.1 អស់រយៈពេល ប៉ុន្មានខែរួចមកហើយ ពោលគឺចាប់តាំងពី Microsoft បង្ហាញ Windows 8.1 មកម្ល៉េះ។
ប្រភពដដែលបានបន្តទៀតថា ក្រុមហ៊ុន Microsoft ប្រហែលជាត្រូវចំណាយពេលយូរក្នុងការសាកល្បង ព្រោះថា ក្រុមហ៊ុន បានបន្ថែមនូវលក្ខណៈពិសេសជាច្រើន ប៉ុន្តែវានឹងបង្ហាញខ្លួននៅឆ្នាំ ២០១៤។
ពាក់ព័ន្ធនឹងព័ត៌មាននេះ ខាងក្រុមហ៊ុន Microsoft មិនបានឆ្លើយបំភ្លឺអ្វីនោះទេ ប៉ុន្តែបើតាមការបញ្ជាក់ ព័ត៌មាននេះគឺជាការពិត៕