Arda Turan (ឆ្វេង) របស់ Atletico Madrid
ដណ្តើមបាល់ជាមួយ Suttner របស់ Austria Vienna អំឡុងការប្រកួត
Champions League ពូល G របស់ពួកគេកាលពីថ្ងៃទី២២ ខែតុលា កន្លងទៅ។
AFP
Chelsea (អង់គ្លេស) v Schalke 04 (អាល្លឺម៉ង់)
- 2:45 ទៀបភ្លឺ
ក្រោយពីរងបរាជ័យក្នុងការប្រកួតបើកឆាកក្រោមស្នាដៃរបស់ក្រុម Basel ក្រុម Chelsea បានស្តារមុខមាត់ក្នុងយុទ្ធនាការប្រចាំទ្វីបអឺរ៉ុបនេះជាមួយ នឹងជ័យជម្នះដ៏គួរឲ្យចាប់អារម្មណ៍នៅពេលជួបក្រុម Steaua Bucharest និង Schalke ក្នុងការប្រកួតកាលពីពេលថ្មីៗនេះ។
Basel (ស្វ៊ីស) v Steaua Bucharest (រូម៉ានី) - 2:45 ទៀបភ្លឺ
Basel បានវិលមកពីទឹកដីក្រុម Bucharest ជាមួយនឹងការបញ្ចប់ក្នុងលទ្ធផលស្មើដ៏ខកចិត្តកាលពីពីរសប្តាហ៍ កន្លងទៅដែលបានធ្វើឲ្យពួកគេឈរក្នុងចំណាត់ថ្នាក់លេខ៣ និងសម្លឹងមើលទៅលើកៅអីដើម្បីឈានទៅប្រកួតក្នុងក្របខ័ណ្ឌ Europa League លីកវិញ។
ពូល F
Borussia Dortmund (អាល្លឺម៉ង់) v Arsenal (អង់គ្លេស) - 2:45 ទៀបភ្លឺ
Dortmund បានបំបាក់មុខថ្ងៃខួបកំណើតគ្រប់អាយុ៦៤ឆ្នាំរបស់លោក Arsene Wenger ជាមួយនឹងជ័យជម្នះក្នុងលទ្ធផល ២-១ នៅលើទឹកដី Emirates កាលពីពីរសប្តាហ៍កន្លងទៅ ហើយបច្ចុប្បន្ន Arsenal កំពុងតែឈរក្នុងចំណាត់ថ្នាក់លេខ២ដោយសារតែមានគ្រាប់បាល់ស៊ុត បញ្ចូលទីតិចជាងក្រុមម្ចាស់ផ្ទះរបស់អាល្លឺម៉ង់។
Napoli (អ៊ីតាលី) v Marseille (បារាំង)-2:45ទៀបភ្លឺ
ក្រុម Napoli របស់លោក Rafael Benitez ទើបតែបានទទួលជ័យជម្នះ៣លើកជាប់ៗគ្នាក្នុងក្របខ័ណ្ឌ Serie A ហើយនិងត្រូវទទួលភ្ញៀវ Marseille នៅរាត្រីនេះ ក្រោយពីកត់ត្រាជ័យជម្នះ ២-១ នៅលើទឹកដីនៃកីឡដ្ឋាន Velodrome នៅថ្ងៃប្រកួតជុំទី៣។
ពូល G
Zenit St Petersburg (រុស្ស៊ី) v FC Porto (ព័រទុយហ្គាល់)-12 អ្រធាត្រ
Zenit អាចនឹងដណ្តើមបានក្តីសង្ឃឹមមួយពីក្រុម Porto សម្រាប់តំណែងចំណាត់ថ្នាក់លេខ២លើតារាងពូលតាមរយៈការផ្តួលពួកគេនៅ រាត្រីនេះដើម្បីបង្កើនការនាំមុខរហូតដល់ទៅ៤ពិន្ទុ ខណៈដែលនៅសល់ត្រឹមតែ២ប្រកួតទៀត។
Atletico Madrid (អេស្ប៉ាញ) v Austria Vienna (អូទ្រីស) - 2:45 ទៀបភ្លឺ
Atletico មិនបានធ្វើការធ្ងន់ធ្ងរឡើយក្នុងការប្រកួតក្នុងពូលនេះ ហើយអាចនឹងឈ្នះកៅអីរបស់ខ្លួនក្នុងវគ្គ១៦ក្រុមចុងក្រោយជាលើក ទី១បើគិតចាប់តាំងពីយុទ្ធនាការឆ្នាំ២០០៨-២០០៩ ប្រសិនបើពួកគេទទួលជ័យជម្នះលើក្រុមអូទ្រីសមួយនេះដែលជាក្រុម ពួកគេបានផ្តួលក្នុងលទ្ធផល ៣-០ កាលពីខែមុន។
ពូល H
Ajax (ហូឡង់) v Celtic (ស្កុតឡេន) - 2:45 ទៀបភ្លឺ
Ajax ត្រូវការយ៉ាងហោចណាស់១ពិន្ទុពីការប្រកួតនេះ ប្រសិនបើពួកគេមិនចង់ធ្លាក់ចូលគ្រោះថ្នាក់ដ៏ធំនៃការធ្លាក់ចេញ សូម្បី តែចំណាត់ថ្នាក់លេខ៣ក្នុងពូល ដែលជាចំណាត់ថ្នាក់ឈានទៅប្រកួត Europa League។
ផ្ទុយមកវិញ Celtic នឹងខិតខំព្យាយាមស្វែងរកជ័យជម្នះដូចគ្នាមួយដែលពួកគេបានទទួល នៅពេលជួបក្រុមហូឡង់មួយនេះកាលពីខែមុនដើម្បីបង្កើនក្តីសង្ឃឹម ក្នុងការឈានទៅប្រកួតក្នុងវគ្គ១៦ក្រុមចុងក្រោយក្នុងរដូវកាល លើកទី២ជាប់ៗគ្នា។
Barcelona (អេស្ប៉ាញ) v AC Milan (អ៊ីតាលី)
- 2:45 ទៀបភ្លឺ
ក្រុម Barcelona នឹងឈ្នះកៅអីរបស់ខ្លួនដើម្បីឈានទៅប្រកួតវគ្គ១៦ក្រុមចុងក្រោយ ប្រសិនបើពួកគេទទួលជ័យជម្នះក្នុងផ្ទះខ្លួនឯងពេលជួបក្រុម AC Milan ដែលកំពុងតែជួបបញ្ហាការរងរបួសរបស់កីឡាករ និងការធ្លាក់ចុះទម្រង់លេង៕ IS
No comments:
Post a Comment