បញ្ចប់ជម្រុះជុំទី១ រកឃើញ៩ ប្រទេស ឡើងទៅ World Cup ឆ្នាំ២០១៤ (Video Inside)

ក្រុងឡុងដ៍ៈ ក្រោយពីបញ្ចប់ការប្រកួត ជម្រុះក្នុងពូល (A-I) ក្នុងជុំទី១ ប្រចាំទ្វីបអឺរ៉ុបសម្រាប់ ព្រឹត្តិការណ៍បាល់ទាត់ពិភព លោក World Cup ឆ្នាំ២០១៤នៅប្រេស៊ីល នាយប់មិញនេះមក រកឃើញ៩ប្រទេសដែល កៅអីដោយស្វ័យប្រវត្តិក្រោយ ពីឈ្នះរៀងៗខ្លួន និងឈរនៅកំពូល តារាងប្រចាំពូល នីមួយៗរួចមក ។

ក្រុមជម្រើសជាតិបូស្នៀ បានទៅដោយស្វ័យប្រវត្តិហើយ ក្រោយពីទទួលបាន៣ពិន្ទុបន្ថែម នៅក្រៅផ្ទះ បន្ទាប់ពី ប្រកួត ឈ្នះក្រុមម្ចាស់ផ្ទះលីទុយអេនី ១-០យប់មិញនេះ ជាមួយនឹងការបាន២៥ពិន្ទុ ស្មើជាមួយក្រុមឈរនៅ លេខ២ និងត្រូវ លេងវគ្គជម្រុះ ក្នុងជុំទី២ទៀតនោះ គឺជម្រើសជាតិក្រិក តែឈ្នះគ្រាប់ស៊ុត ពីក្នុងពូល G ។ ក្រិកជាក្រុមមួយល្អជាងគេបំផុត ក្នុងចំណោមក្រុមដែល ស្ថិតនៅលេខរៀងទី២គ្រប់ពូល ដោយមានពិន្ទុ២៥ លើសគេដាច់ ។

សម្រាប់ឯពូល H វិញអង់គ្លេស ក៏បានទៅផងដែរ ក្រោយពីបានបំបាក់ ក្រុមភ្ញៀវប៉ូឡូញ ២-០មិនឲ្យតដៃរួច ពីខ្សែប្រយុទ្ធ Wayne Rooney រកបានមួយ គ្រាប់ និងមិត្តរួមក្រុមខ្សែបម្រើ Steven Gerrard ថែមគ្រាប់ទី២ទៀតនោះនៅនាទីចុង ម៉ោង ។ មួយវិញទៀត ជម្រើសជាតិអ៊ុយក្រែន ដែលស្ថិតក្នុងពូលជាមួយគ្នា នោះត្រូវបានលេងវគ្គជម្រុះផងដែរ និងក៏ជា ក្រុមនៅ សល់គ្រាប់ស៊ុតច្រើនគេផងដែរ ជាមួយនឹងការចាញ់ ពិន្ទុអង់គ្លេសតែមួយពិន្ទុប៉ុណ្ណោះ ។

រីឯពូលចុងក្រោយគេវិញ គឺពូល I ក្រុមម្ចាស់ជើងឯកឆ្នាំ២០១០ នៅអាហ្វ្រិកខាងត្បូង គោជល់អេស្ប៉ាញ ក៏បានទៅដែរ គឺឡើងទៅការពារតំណែងជើងឯក World Cup លើកទី១របស់ខ្លួន បន្ទាប់ពីបានលុតក្រុមភ្ញៀវ ហ្សកហ្ស៊ី ២-០យប់មិញ នេះផងដែរ ដើម្បីបញ្ចប់ការតាមប្រម៉ាញ់ពីក្រុមមាន់គកបារាំង ដោយមាន២០ពិន្ទុនាំមុខដាច់បារាំង ដោយទុកឲ្យក្រុម ម្ចាស់ជើងឯក World Cup ឆ្នាំ១៩៩៨ បារាំងលេងនៅវគ្គជម្រុះបន្ត ជាមួយនឹងគូប្រជែងការពីរដូវកាលមុន ទឹកក្រូចហូ ឡង់ ក៏បានទៅហើយដែរនោះ ។

រហូតមកទល់ពេលនេះ មាន៩ក្រុមជម្រើសជាតិ ហើយបានឡើងទៅឈរចាំមុនក្នុង World Cup លើកទី ២០ ឆ្នាំ២០១៤ដែលមានប្រេស៊ីល ធ្វើជាម្ចាស់ផ្ទះរួចស្រេចហើយមាន ស្វីស អេស្ប៉ាញ អាល្លឺម៉ង់ អង់គ្លេស បូស្នៀ ប៊ែលហ្ស៊ិក អ៊ីតាលី ហូឡង់ និងខ្លាឃ្មុំទឹកកករុស្ស៊ី ខណៈដែល៨ក្រុមល្អជាងគេនឹងលេងនៅវគ្គជម្រុះក្នុងជុំទី២ ដើម្បី យក៤ក្រុមទៀតមាន បារាំង ស៊ុយអែត ក្រិក អ៊ុយក្រែន ព័រទុយហ្គាល់ អាយឡេន រ៉ូម៉ានី និងក្រូអាត ។ ក្នុងនោះដែរ ដាយណឺម៉ាក ត្រូវហាលអាវដោយស្វ័យប្រវត្តិ ដោយសារទាំង៩ក្រុមខ្សោយ និងមានពិន្ទុតិចជាងគេ។

សូមបញ្ជាក់ផងដែរថា ក្នុងការប្រកួតបញ្ចប់ ព្រឹត្តិការណ៍ជម្រុះ World Cup ឆ្នាំ២០១៤ នៃជុំទី១ប្រចាំទ្វីបអឺរ៉ុបនាយប់ មិញនេះ គឺមានការស៊ុតបញ្ចូលទី គ្នាចំនួន ៦៤៨គ្រាប់ ពីការប្រកួតសរុប២៣៤ ។ ខ្សែប្រយុទ្ធរបស់ហូឡង់ Robin van Persie បាននាំមុខគេពីការស៊ុតបញ្ចូលទី បានចំនួន ១១គ្រាប់ច្រើនជាងគេ ខណៈដែលខ្សែប្រយុទ្ធ Edin Dzeko មកពីក្លឹប Manchester City ជនជាតិបូស្នៀជាប់លេខ២ ពីការស៊ុតបញ្ចូលទីបាន១០គ្រាប់ និងមិត្តរួមក្រុម Vada Ebisevic រួមទាំងខ្សែបម្រើ Mesut Ozil របស់អាល្លឺម៉ង់ រកបានម្នាក់៨គ្រាប់ដូចគ្នា ៕