Real Madrid ស៊ុត Sevilla អស់ស្ទះ ៧-៣ យប់មិញ (Video Inside)

ក្រុងម៉ាឌ្រីដៈ នេះអាចក្លាយប្រវត្តិសាស្រ្ត ហើយក្នុងសប្តាហ៍ទី ១១ ពីយុទ្ធនាការ ពានរង្វាន់ La Liga របស់អេស្ប៉ាញ ខណៈដែលមានការរបូត គ្រាប់បាល់រហូតដល់ ទៅ ១០គ្រាប់ ខណៈដែល Real ស៊ុតបញ្ចូលទី ក្រុមភ្ញៀវ Sevilla បាន៧ គ្រាប់ និង Sevilla វាយបកបាន ៣គ្រាប់វិញនោះ ។
ការប្រកួតយ៉ាងស្វិតស្វាញ នៅលើទីលាន Santiago Bernabeu នាយប់មិញនេះ Real Madrid មិនបានទុកមុខឲ្យក្រុម Sevilla នោះទេជាមួយនឹងកីឡាករជើងខ្លាំង Cristiano Ronaldo រកបានគ្រាប់បាល់ ហ៊ែកទ្រីកនៅនាទី៣០ (ប៉េណាល់ទី) ៦០ និង ៧៣ ក្នុងខណៈមិត្តរួមក្រុម ចំណូលថ្មី Gareth Bale រកបាន២គ្រាប់ដំបូង នៅនាទី១៣ និង ២៧ ហើយកីឡាករបារាំង Karim Benzema រកបាន២គ្រាប់ដូចគ្នា ដែរនៅនាទី៥៣ និង ៨០ ។
យ៉ាងណាមិញ ៣គ្រាប់របស់ក្រុមភ្ញៀវ Sevilla វិញរកបានដោយកីឡាករ Ivan Rakitic ប៉េណាល់ទីគ្រាប់ទី១នៅនាទី ៣៨ និងគ្រាប់ទី២ដោយកីឡាករ Carlos Bacca និង Rakitic បន្ថែមគ្រាប់ចុងក្រោយ នៅនាទី៦៣ ដែលនាំឲ្យចប់ការ ប្រកួតពេញម៉ោង Real Madrid ៧ និង Sevilla ៣ ពីការជួបគ្នាក្នុងជើងទី១ នារដូវកាលថ្មីឆ្នាំ ២០១៣-២០១៤ នេះ ។ យ៉ាងណាមិញលទ្ធផល ៣ប្រកួតទៀត នាយប់មិញនេះដែរ គឺក្រុមម្ចាស់ផ្ទះ Valencia បានបរាជ័យ ដោយលទ្ធផល ១-២ ក្រោមថ្វីជើង Almeria និងក្រុមម្ចាស់ផ្ទះ Valladolid ទប់បាន ២-២ ជាមួយក្រុម Real Sociedad និងក្រុម Osasuna បានបំបាក់ ក្រុមភ្ញៀវ Rayo Vallecano ៣-១ ៕