Neymar របស់ Barcelona អំឡុងការប្រកួត El Clasico ជាមួយក្រុម Real នៅ Camp Nou។ AFP
ខ្សែប្រយុទ្ធ Jese Rodriguez បានរកគ្រាប់បាល់វាយបកមួយគ្រាប់វិញសម្រាប់ Real Madrid ក្នុងនាទីបន្ថែមដើម្បីធ្វើឲ្យបញ្ចប់ក្នុងលទ្ធផល ២-១ ប៉ុន្តែ Bale មិនបានបន្តសកម្មភាពរហូតបញ្ចប់ការប្រកួតឡើយ ខណៈដែលរូបគេត្រូវបានប្តូរដោយកីឡាករ Karim Benzema នៅក្នុងរយៈពេល៣០នាទីចុងក្រោយ។
Neymar បាននិយាយថា៖ «ខ្ញុំពិតជារីករាយណាស់ក្នុងការរកគ្រាប់បាល់ដ៏ពិសេសមួយ ប៉ុន្តែ អ្វីដែលសំខាន់បំផុតនោះគឺ៣ពិន្ទុដែលយើងទទួលបាន។ វាពិតជារឿងដ៏រំភើបណាស់ក្នុងការស៊ុតបាល់បញ្ចូលទីក្នុងការ ប្រកួតនេះដែលរាល់កីឡាករទាំងអស់ចង់លេង»។
ភាពផ្ទុយគ្នារវាងកីឡាករដែលត្រូវបានគេទិញចូលក្នុងតម្លៃខ្លួន ដ៏ខ្ពស់កាលពីរដូវក្តៅទាំងពីររូបនេះ ប្រហែលជាមិនមានភាពអស្ចារ្យ និងចាប់អារម្មណ៍ជាងភាពខុសគ្នាទៅលើរបៀបដែលពួកគេមានភាពស៊ាំទៅ នឹងការប្រកួតក្របខ័ណ្ឌ La Liga ក្នុងរយៈពេលពីរខែដំបូងនៅអេស្ប៉ាញឡើយ។
Neymar បានផ្តល់ផលតបស្នងយ៉ាងធំទៅនឹងតម្លៃខ្លួនដ៏ខ្ពស់របស់គេ ក្រោយពីការផ្ទេរក្នុងតម្លៃខ្លួន៥៧លានអឺរ៉ូ (ស្មើនឹង៧៨,១ដុល្លារអាមេរិក) របស់គេពីក្លិប Santos បានបញ្ចប់សព្វគ្រប់ នៅមុនពេល Barcelona បានបញ្ចប់យុទ្ធនាការកាលពីរដូវកាលមុន។
ខ្សែប្រយុទ្ធអន្តរជាតិប្រេស៊ីលរូបនេះបានទទួលនូវការស្វាគមន៍ យ៉ាងកក់ក្តៅក្នុងរដ្ឋធានីរបស់តំបន់ Catalonia កាលពីថ្ងៃចន្ទទី១ខែមិថុនា កន្លងទៅនៅមុនពេលវិលត្រឡប់ទៅកាន់ប្រទេសកំណើតរបស់គេវិញដើម្បី ប្រកួតក្នុងយុទ្ធនាការពិភពលោក ហើយបើទោះបីត្រូវប្រកួតជាមួយមិត្តរួមក្រុមថ្មីមួយចំនួនរបស់ ខ្លួនក៏ដោយ ប៉ុន្តែ រូបគេបានជួយឲ្យប្រេស៊ីលឈ្នះពានរង្វាន់ Confederations Cup ជាមួយនឹងជ័យជម្នះក្នុងលទ្ធផល ៣-០ លើក្រុមជម្រើសជាតិអេស្ប៉ាញ។
នៅរាត្រីថ្ងៃដដែលនោះ វាមិនត្រឹមតែជាថ្ងៃដែលកីឡាករវ័យ២១ឆ្នាំរូបនេះបានបំបាក់មុខ Bale ប៉ុណ្ណោះទេ ប៉ុន្តែ រូបគេក៏បានក្លាយជាកីឡាករឆ្នើមប្រចាំការប្រកួតនៅលើទីលានផងដែរ តាមរយៈការធ្វើបានល្អប្រសើរជាងកីឡាករឆ្នើមបំផុតក្នុងពិភពលោកគឺ Lionel Messi និងខ្សែប្រយុទ្ធ Cristiano Ronaldo។
គ្រាប់បាល់របស់គេត្រឹមតែជាគ្រាប់បាល់ទី៤ប៉ុណ្ណោះក្នុងចំណោម ការបង្ហាញខ្លួន១៤លើក ប៉ុន្តែ ការបញ្ជូនបាល់ទៅឲ្យ Sanchez ដើម្បីរកគ្រាប់បាល់បញ្ចូលទីដ៏ល្អ គឺជាការបញ្ជូនបាល់ឲ្យមិត្តរួមក្រុមក្នុងការរកគ្រាប់បាល់ទីជា លើកទី៧របស់គេដែលបានធ្វើឲ្យគេក្លាយជាអ្នកបញ្ជូនបាល់ដ៏ល្អ ក្នុងក្រុមមួយដែលប្រជុំដោយកីឡាករឆ្នើមៗដូចជា Andres Iniesta, Xavi និង Cesc Fabregas៕ IS
No comments:
Post a Comment