ការដាក់សម្ពោធរឿង Run នៅរោងភាពយន្ត Legend និងតាមបណ្តារោងកុនមួយចំនួនទៀតនៅភ្នំពេញ។ រូបថត ហុង មិនា
លោកទូចឧត្តមអ្នកដឹកនាំរឿងខ្មោចហ្ស៊ូមប៊ីស្ទីលខ្មែរនេះបានឲ្យ ដឹងថាវាត្រូវបានចំណាយប្រាក់ចំនួនមួយម៉ឺនដុល្លារ ខណៈលោកបាននិយាយថាវាគឺជាការដាក់ទុនធំមួយផងដែរសម្រាប់វិស័យ ភាពយន្តបែបរឿងមានខ្មោចឆៅនេះ។
លោកបន្តថា៖«យើងមានបំណងចង់បង្ហាញពីឈុតឆាករឿងខ្មោចហ្ស៊ូមប៊ីនេះដែលបង្កគ្រោះវិនាសកម្មនៅក្នុងរាជធានីភ្នំពេញ»។
ទោះជាយ៉ាងណា គេក៏សង្កេតឃើញថាសាច់រឿង ហ្ស៊ូមប៊ីខ្មែរ នេះវាមានលក្ខណៈស្រដៀងគ្នានឹងរឿងរបស់ហ្ស៊ូមប៊ីបរទេសបស្ចិមប្រទេស ដែរ។ សាច់រឿងបានបង្ហាញថាក្រុមអ្នកវិទ្យាសាស្រ្តខ្មែរព្យាយាមធ្វើតេស្ត លើមេរោគវ៉ាក់សាំងថ្មីមួយដែលបានកើតឡើងនៅលើមនុស្សនៅក្នុង មន្ទីរពិសោធន៍ពួកគេប៉ុណ្ណោះ។ តែទីបំផុតមេរោគនោះវាបានរាតត្បាតទៅដល់ខ្លួនក្រុមនិស្សិត មហាវិទ្យាល័យគ្រប់រូប បន្ទាប់ពីពួកគេបានចូលរួមសប្បាយនៅក្នុងពិធីជប់លៀងនារាត្រីមួយ»។
លោកបន្តថា៖ «ទោះបីវាមិនមានលក្ខណៈដូចជាខ្មោចហ្ស៊ូមប៊ីពិតក្តី តែតួអង្គខ្មោចហ្ស៊ូមប៊ីក៏បានស្តែងចេញនូវការចម្លងមេរោគដែលមិន អាចទប់ទល់បានដែរ។ ដោយឡែកសម្រាប់ស្ថានភាពអ្នកទស្សនាខ្មែរយើងមិនដឹងទេថាត្រូវនិយាយ យ៉ាងណា»។
ម្យ៉ាងទៀតរឿងនេះក្រុមផលិតករហាក់ដូចជាមានកម្រិតនៃកញ្ចប់ថវិកា ទាបសម្រាប់ការថតក៏ដូចជាខ្វះខាតខាងបទពិសោធទៀតផងសម្រាប់ធ្វើ យុទ្ធនាការផ្សព្វផ្សាយ។ ចំណែកការលាបមុខមាត់ធ្វើជាខ្មោចហ្ស៊ូមប៊ីក៏មានលក្ខណៈពិបាកព្រោះ តែយើងនៅមិនទាន់មានជំនាញនៅឡើយពោលគឺយើងនៅខ្វះខាតស្ទើរតែគ្រប់ ផ្នែក។
លោកទូចឧត្តមបាននិយាយថា៖ «ខ្ញុំបានចំណាយពេលច្រើនជួយដល់ពួកគេ។ មានអ្នកខ្លះគាត់មិនចេះកាមេរ៉ាខ្លះទៀតមិនដឹងពីរបៀបប្រើពន្លឺ កាមេរ៉ានិងអ្នកខ្លះមិនដឹងរបៀបប្រើសំឡេង»។
វឌ្ឍនៈសិទ្ធិវ័យ២៨ឆ្នាំអ្នកស្ម័គ្រចិត្តម្នាក់ក្នុងចំណោមក្រុម អ្នកស្ម័គ្រចិត្តបាននិយាយថាទោះបីជាគ្មានបទពិសោធក្នុងការថត ភាពយន្តពីមុនមកក្តីក៏លោកធ្លាប់ធ្វើជាអ្នកសរសេរសាច់រឿងកុនឲ្យ តួអង្គនិយាយដែរ។ តែការថតរឿងនេះមានលក្ខណៈថ្មីចម្លែកដូច្នេះត្រូវការពេលមុននឹងមក ថតរឿងនេះបាន។
សិទ្ធិនិយាយថា៖«មានតួអង្គខ្លះមានលក្ខណៈមិនសូវល្អនិងខ្លះ មានភាពខ្មាសអៀនខ្លាំងខ្លះទៀតគ្មានទំនុកចិត្តតែយ៉ាងណាយើងធ្វើ បានល្អ»៕PR
By Phnom Penh Post
No comments:
Post a Comment