អាកាសយានដ្ឋាន​ដែល​ទទួល​ភ្ញៀវ​បាន​ច្រើន​ក្នុង​ឆ្នាំ ២០១២

នៅ​សប្តាហ៍​នេះ ប៉ុស្តិ៍ អចលន​ទ្រព្យ នឹង​នាំ​មក​បង្ហាញ​ជូន​មិត្ត​អ្នក​អាន​នូវ​អាកាសយានដ្ឋាន​អន្តរជាតិ​ចំនួន ៧ (ចាប់​ពី​លេខ ៨-១៤) ដែល​ស្ថិត​នៅ​ក្នុង​ចំណោម​អាកាសយានដ្ឋាន​ចំនួន ៥០ នៅ​លើ​ពិភពលោក ដែល​មាន​អ្នក​ធ្វើ​ដំណើរ​ឆ្លង​កាត់​ច្រើន​ជាង​គេ​បំផុត​ក្នុង​ឆ្នាំ ២០១២ កន្លង​មក​។ សូម​អរគុណ!

៨- Dallas-Fort Worth International Airport ស្ថិត​ក្នុង​រដ្ឋ Texas សហរដ្ឋ​អាមេរិកៈ អាកាសយានដ្ឋាន​នេះ​បាន​កសាង​ដំបូង​ក្នុង​ឆ្នាំ ១៩២៧ ។ កាល​ពី​ឆ្នាំ ២០១២ កន្លង​មក​អាកាសយានដ្ឋាន​នេះ​ទទួល​ភ្ញៀវ​បាន ៥៨ ៥៩១ ៨៤២ នាក់។

៩- Soekarno-Hatta International Airport ស្ថិត​ក្នុង​ប្រទេស ឥណ្ឌូនេស៊ីៈ អាកាសយានដ្ឋាន​ដែល​ស្ថិត​នៅ​លើ​កោះ Java នេះ​មាន​ភ្ជាប់​ឈ្មោះ​របស់​អតីត​ប្រធានាធិបតី Soekarno និង​អនុ​ប្រធានាធិបតី ទី១ Hatta ។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​បាន ៥៧ ៧៣០ ៧៣២ នាក់។

១០- Dubai International Airport ស្ថិត​នៅ​ប្រទេស អេមីរ៉ាត អារ៉ាប់​រួមៈ អាកាសយានដ្ឋាន​នេះ​បាន​បើក​ឲ្យ​ប្រើ​ប្រាស់​ជា​ផ្លូវ​ការ​លើក​ដំបូង​ក្នុង​ ឆ្នាំ ១៩៦០។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​បាន​ចំនួន ៥៧ ៦៨២ ៥៥០ នាក់។

១១- Frankfurt Airport ស្ថិត​ក្នុង​ប្រទេស អាល្លឺម៉ងៈ អាកាសយានដ្ឋាន​នេះ​បាន​កសាង​ដំបូង​ក្នុង​ឆ្នាំ ១៩០៩ ដោយ​មាន​ចម្ងាយ ១២ គីឡូម៉ែត្រ​ពី​ចំណុច​កណ្តាល​ទីក្រុង Frankfurt ។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​បាន ៥៧ ៥២០ ០០១ នាក់។

១២- Hong Kong International Airport ឬ Chek Lap Kok Airport ស្ថិត​នៅ​ក្នុង​ទីក្រុង ហុងកុងៈ អាកាសយានដ្ឋាន​កសាង​ដំបូង​ក្នុង​ឆ្នាំ ១៩២៥។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​បាន ៥៦ ០៦៤ ២៤៨ នាក់។

១៣- Denver International Airport ស្ថិត​ក្នុង​សហរដ្ឋ អាមេរិកៈ អាកាសយានដ្ឋាន​នេះ​ចាប់​ផ្តើម​សាង​សង់​ក្នុង​ឆ្នាំ ១៩៨៩ និង​បាន​បើក​ឲ្យ​ប្រើ​ប្រាស់​ក្នុង​ឆ្នាំ ១៩៩៥ ។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​បាន ៥៣ ១៥៦ ២៧៨ នាក់។

១៤- Suvarnabhumi Airport ឬ Bangkok International Airport ស្ថិត​នៅ​ក្នុង​ប្រទេស ថៃៈ អាកាសយានដ្ឋាន​នេះ​ត្រូវ​បាន​បើក​ឲ្យ​ប្រើ​ប្រាស់​ក្នុង​ឆ្នាំ ២០០៦។ កាល​ពី​ឆ្នាំ ២០១២ អាកាសយានដ្ឋាន​នេះ​ទទួល​ភ្ញៀវ​ចំនួន ៥៣ ០០២ ៣២៨ នាក់។