Barcelona បំបាក់​ Celta Vigo ៣-០ ដើម្បី​បន្ត​ក្តោបក្តាប់​ តំណែង​កំពូល​តារាង​ ​

ក្រុងម៉ាឌ្រីដៈ ក្រុមការពារតំណែង ជើងឯក FC Barcelona បានបន្តយក ៣ពិន្ទុ នាយប់មិញនេះទៀត ដើម្បីនាំមុខ ឲ្យដាច់ ពីតំណែងកំពូល តារាង La Liga រដូវកាលឆ្នាំ ២០១៣-២០១៤ នេះ ពីក្នុងសប្តាហ៍ទី១១ បន្ទាប់ពីបានលុត ក្រុមម្ចាស់ផ្ទះ Celta Vigo ៣-០ មិនឲ្យងើបមុខរួច និងឲ្យខ្មាស់គេ ក្នុងទឹកដីទៀតផង ។
កីឡាករ Barca បានសហការគ្នាលេង បានយ៉ាងល្អជាមួយ នឹងការប្រើសង្វាក់ Tiki Taka មួយប៉ះៗ ខ្លីៗដើម្បី បំបែកហ្វូង ខ្សែការពារ Celta Vigo ពិតជាមាន ប្រសិទ្ធភាពមែន ដោយត្រឹមលេងបាន ៩នាទី ដំបូងកីឡាករ Alexis Sanchez ជា អ្នករកបានគ្រាប់ទី១ មុនពេលកីឡាករ Yoel ធ្វេសប្រហែសពីការធ្វើ ឲ្យចូលទីខ្លួនឯង មួយគ្រាប់នៅនាទីទី ៤៨ និងគ្រាប់ ទី៣ រកបានដោយអតីត កីឡាករប្រធាន ក្រុមកាំភ្លើងធំ Arsenal, Cesc Fabregas នៅនាទី៥៤ ។
ចប់ការប្រកួត ពេញម៉ោង Celta Vigo ០ និងអ្នកមានបុណ្យ Barcelona ៣ ពីប្រវត្តិជួបគ្នា នាពេលកន្លងមក Celta Vigo លេងមិនដែលឈ្នះ Barca សោះបើទោះបីស្ថិត ក្នុងផ្ទះក៏ដោយចុះ ។ នៅពេលនេះ Barca កាន់តែនាំមុខគេដាច់ ហើយ និងឈរនៅកំពូលតារាង ជាប់ដោយមាន ៣១ពិន្ទុ ជាបណ្តោះអាសន្ន ខណៈក្រុមលេខ២ At. Madrid មាន ២៧ ពិន្ទុ និងគូប្រជែងស៊ីសាច់ ហុតឈាម Real Madrid កំពុងឈរនៅលេខ៣ ដោយមានត្រឹមតែ ២២ពិន្ទុ ប៉ុណ្ណោះ ។ សម្រាប់ឯ លទ្ធផលមួយប្រកួត នាយប់នេះដែរ គឺក្រុមភ្ញៀវ Malaga ទប់បាន ០-០ ជាមួយក្រុមម្ចាស់ផ្ទះ Espanyol ពីក្នុង La Liga សប្តាហ៍ទី ១១ ដូចគ្នា ៕