62 ថ្ងៃមុន | ដោយ ៖ abceditor
ដោយ៖ សយ ដុល្លា
គេ សង្កេតឃើញថាមាននិស្សិតយើងនាពេលបច្ចុប្បន្ននេះជ្រើសរើសរៀនពីរ មុខជំនាញក្នុងពីរមហាវិទ្យាល័យក្នុងពេលតែមួយ។ការរៀនពីរ មហាវិទ្យាល័យក្នុងពេលតែមួយបែបនេះមានការពេញនិយម គួរឲ្យកត់សំគាល់នាប៉ុន្មានឆ្នាំចុងក្រោយនេះ។
តើមានមូលហេតុអ្វីខ្លះដែលធ្វើអោយនិស្សិតខ្មែរសំរេចចិត្តរៀនពីមហាវិទ្យាល័យបែបនេះ?
មូលហេតុទីមួយគឺឱកាសការងារមាននិស្សិតជាច្រើនគិតថាពួកគេនិង មានឱកាសទទួលបានការងារធ្វើច្រើនបើប្រៀបធៀបនឹងនិស្សិតដែលរៀនតែ មួយជំនាញ គឺពួកគេអាចធ្វើការនៅក្នុងជំនាញណាមួយក៏បាន។ និស្សិតខ្មែរជាច្រើនបានសំរេចិត្តរៀនមុខជំនាញអក្សរសាស្ត្រ អង់គ្លេសជាមុខវិជា្ជទី២
ដោយពួកគេគិតថាមុខជំនាញមួយនេះនិងអាចជួយគេទទួលបានការងារមួយ ល្អប្រសើរបន្ទាប់ពីបញ្ចប់ ការសិក្សានៅសកលវិទ្យាល័យ។មាននិស្សិតយើងមួយចំនួនទៀតជ្រើសរើសរៀន ពីមហាវិទ្យាល័យតាមមិត្តភក្ដិព្រោះពូកគេទាំងនោះយល់ឃើញថាមិតភក្តិ និងនិស្សិតដ៏ទៃរៀនពីរមហាវិទ្យាល័យបានក៏សំរេចចិត្តរៀនតាម មិត្តភក្តិរបស់ខ្លួន។
កត្តាទទួលបានអារហារូបករណ៍ក៏ជាមូលហេតុមួយធ្វើអោយនិស្សិត សំរេចចិត្តរៀនពីរមហាវិទ្យាល័យដែរ។និស្សិតមួយចំនួនទទួលបាន អាហារូបករណ៍រៀននៅសាកលវិទ្យាល័យផ្សេងបើទោះបីជាខ្លួនកំពុងរៀននៅ សាកលវិទ្យាល័យមួយរួចហើយក៏ដោយ។ និស្សិតទាំងនោះមានការសោកស្តាយក្នុងការបោះបង់ចោលនូវអហារូបករណ៍ដែល ពួកគេទទួលបាន ដែលនាំអោយពួកគេរៀនពីរមហាវិទ្យាល័យក្នុងពេលតែមួយ។
អ្នកវិភាគនិងអ្នកធ្វើការខាងវិស័យអប់រំយល់ឃើញថា និស្សិតខ្មែរគួតែនាំគ្នារៀនតែមួយជំនាញមួយមហាវិទ្យាល័យបានហើយ។ និស្សិតត្រូវជ្រើសរើសជំនាញមួយដែលខ្លួនស្រលាញ់ និងត្រូវគិតថាតើជំនាញនោះមានទីផ្សារការងារដែររឺទេនៅពេលដែល ខ្លួនបញ្ចប់ការសិក្សារ។ និស្សិតដែលរៀនតែមួយជំនាញអាចមានពេលពង្រឹងសម្មត្ថភាពខ្លួនឯងតាម រយៈការស្វ័យសិក្សាស្រាវជ្រាវនិងអានសៀវភៅបន្ថែមនៅ បណ្ណាល័យមានពេលគ្រប់គ្រាន់ក្នុងការធ្វើកិច្ចការដែលគ្រូដាក់ឲ្យធ្វើស្វែងរកបទពិសោធន៍តាមរយៈការចុះកម្មសិក្សារនៅតាម បណ្តាគ្រឹះស្ថានឯកជននិងរដ្ឋជាដើមដើម្បីអោយខ្លួនគេមានភាពរឹងមាំនៅ ពេលដែលគេបញ្ចប់ការសិក្សានៅសាកលវិទ្យាល័យ។
No comments:
Post a Comment