ជនរងគ្រោះឈ្មោះអ៊ុត ពុទ្ធា អាយុ១៨ឆ្នាំមានមុខរបជាសន្តិសុខកាស៊ីណូក្រែនដាយអឹម៉ិនស៊ីធី ស្នាក់នៅអាគារបុគ្គលិកកាស៊ីណូ(អាគារថ្មី)មានទីលំនៅភូមិកណ្ដាល ឃុំ-ស្រុកម៉ាឡៃខេត្តបន្ទាយមានជ័យ បានបើកបរម៉ូតូស៊េរីស្គុបព័រឆ្នាំ២០១១ តំឡើងឆ្នាំ២០១៣គ្មានស្លាកលេខ ពណ៌ស+ផ្កាឈូក។
បើឲ្យដឹងនៅកន្លែងកើតហេតុថាៈ គេឃើញជនរងគ្រោះបើកម៉ូតូក្នុងល្បឿនយ៉ាងលឿនដោយអាងថានៅពេលយប់ ស្ងាត់ ហើយបើកពីលិច ទៅកើតប្រហែលជាទៅអាគារស្នាក់នៅ ពេលដល់កន្លែងកើតហេតុស្រាប់តែបុករទះដែរគេចតចោលហើយស្លាប់បាត់បង់ ជីវិតនៅកន្លែងកើតហេតុ។
តាមសំដីពីមិត្តភក្តិ ជនរងគ្រោះនេះបានចេញពីកន្លែងផឹកស៊ីជួបជុំគ្នា ដោយថ្ងៃនេះជាថ្ងៃឈប់សំរាកមួយថ្ងៃផង រួចក៏បបួលគ្នាផឹកស៊ី បន្ត ហើយសុំសោម៉ូតូពីប្រពន្ធខ្លួនមិនព្រមអោយទេ តែជនរងគ្រោះរូបនោះជជែ រឹងទទឹងមិនសុខចិត្តហើយក៏ទាញសោម៉ូតូជិះភ្លាមតតែបាន ហើយប្រាប់ថាទៅអាគារបុគ្គលិក ដោយខ្លួនស្រវឹងជោកខ្លួន។
ភ្លាមនោះសមត្ថកិច្ចមកដល់កន្លែងកើតហេតុភ្លាម ព្រមទាំងមានរថយន្តសង្គ្រោះបន្ទាន់ (CAMA)មកជាមួយផង ភ្លាមនោះគ្រូពេទ្យបានពិនិត្យជនរងគ្រោះហើយប្រាប់ថាៈ ជនរងងគ្រោះរូបនេះត្រូវស្លាប់បាត់បង់ជីវិតហើយរីឯសមត្ថកិច្ច ប្រាប់ត្រូវយកសាកសពទៅដំកលទុកនៅវត្តបាលិលេយ្យដើម្បីរក្សាទុក ជូនក្រុមសាច់ញាតិ ស្របពេលនោះដែរក្រុមបក្សពួកជនសាកសពជនរងគ្រោះស្រែកឡូឡាខ្លាំងថា មិត្តភក្តិគេមិនទាន់ស្លាប់នៅមានដង្ហើមទេ ត្រូវបញ្ជូនទៅកាន់មន្ទីពេទ្យភ្លាម ដោយឃើញដូច្នេះសមត្ថកិច្ចក៏ព្រមតាមសំដីក្រុមបក្សពួកគេ ហើយក៏យករថយន្តខាងក្រុមហ៊ុនកាស៊ីណូយកទៅសង្គ្រោះបន្ទាប់ ទៅកាន់មន្ទីពេទ្យបង្អែកប៉ោយប៉ែតដែរស្ថិតនៅភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត ហើយក្រុមគ្រូពេទ្យពិនិត្យកោសល្យវិច្ឆ័យរួចប្រាប់ថាជនរងគ្រោះ អកុសលត្រូវបាត់បងជីវិតហើយ ក្រោយមកក្រុមបក្សពួកក៏អស់ចិត្តហើយក៏សំរេចយកសាកសពទៅកាន់លំនៅ ដ្ឋានភ្លាមនៅឯស្រុកម៉ាឡៃទាំងយប់ តាមរយះរថយន្តក្រុមហ៊ុន ដើម្បីយកទៅធ្វើបុណ្យតាមប្រពៃណីខ្មែរ។
គួរបញ្ជាក់ថាម៉ូតូជនរងគ្រោះនិងរទះទាំងនោះត្រូវសមត្ថកិច្ច នគរបាលចរាចរណ៍យកទៅកាន់អធិការនគរបាលដ្ឋានក្រុងប៉ោយប៉ែត ដើម្បីដោះស្រាយទៅតាមនិតិវិធីច្បាប់៕ដោយ ចិន្តា
No comments:
Post a Comment