តារាសម្ដែង Marian Rivera ហៅ នាងមច្ឆា ជួប​អ្នក​គាំទ្រ​នៅ វៀតណាម

វៀតណាម៖ តារាសម្តែង និងតារាចម្រៀងស្រីរបស់ប្រទេសហ្វីលីពីន មានកេរ្តិ៍ឈ្មោះ ល្បីល្បាញទូទាំងអាស៊ី គឺនាង Marian Rivera ដែលនៅប្រទេសកម្ពុជា ត្រូវបានមហាជនស្គាល់ថា ជានាងមច្ឆា បានទៅជួបអ្នកគាំទ្រ នៅក្នុងប្រទេសវៀតណាម កាលពីពេលថ្មីៗនេះ។
បើយោងតាមប្រភពព័ត៌មាន បរទេសនៅព្រឹកថ្ងៃទី ៥ ខែវិច្ឆិកា ឆ្នាំ ២០១៣ នេះ បានប្រាប់ឲ្យដឹងថា នាង Marian Rivera បានស្លៀកពាក់ រ៉ូបពណ៌ទឹកប៊ិចខ្លីតឹង បានបង្ហាញភាពសិចស៊ី ដាក់ទស្សនិកជនរបស់នាង នៅក្នុងកម្មពិធីទស្សន៍មួយ នៅទីក្រុង ហូជីមិញ ប្រទេសវៀតណាម កាលពីម្សិលមិញ។
នាង Marian Rivera បានច្រៀង និងសម្តែងក្បាច់រាំបង្ហាញ ដល់ទស្សនិកជន និងអ្នកគាំទ្ររាប់ម៉ឺននាក់ នៅក្នុងប្រទេសវៀតណាម ដើម្បីថ្លែងអំណរគុណ ដល់ទស្សនិកជនទាំងនោះ ៕