ប្រមុខ IAEA លោក យូគីយ៉ា អាម៉ាណុ ថ្លែងទៅកាន់អ្នកកាសែត។ AFP
មុន ពេលចាកចេញពីថ្ងៃអាទិត្យប្រមុខទីភ្នាក់ងារថាមពលអាតូមិកអន្តរជាតិ (IAEA) លោក យូគីយ៉ា អាម៉ាណូ បានថ្លែងថា កិច្ចចរចារបស់លោក «គឺឯករាជ្យ» ចំពោះអ៊ីរ៉ង់ និងក្រុមមហាអំណាច ពិភពលោកទាំង៦ (P5+1)។
ប៉ុន្តែ បន្ទាប់ពីអ៊ីរ៉ង់ និងមហាអំណាចទាំង៦នេះ មិនសម្រេចបានអ្វីសោះនៅប្រទេសស្វ៊ីស កិច្ចព្រមព្រៀងមួយជាមួយ IAEA អាចជួយជួសជុលក្ដីសង្ឃឹមដែលខូចខាតចំពោះវឌ្ឍនភាពនៅមុនជុំបន្ទាប់ នៅថ្ងៃទី២០ ខែវិច្ឆិកា។
ដោយ ព្យាករពីកិច្ចព្រមព្រៀងជំហានដំបូង ជាមួយ «វិធានការសាងទំនុកចិត្ត» អ្នកការទូតលោកខាងលិចម្នាក់នៅក្រុងវីយែន បានប្រាប់ AFP ថា៖ «ហេតុផលតែមួយគត់ដែលលោក ណាម៉ាណូនឹងទៅ លុះត្រាតែលោកជឿថា ពួកគេនឹងព្រមព្រៀងលើអ្វីមួយ»។
មុន ពេលលោកចេញពីព្រលានយន្តហោះក្រុងវីយែនកាលពីថ្ងៃអាទិត្យ លោក អាម៉ាណូ បានថ្លែងថា អ៊ីរ៉ង់ និងស្ថាប័នអ.ស.ប. នេះបានឈានដល់ «ចំណុចសំខាន់បំផុត»។
លោក អាម៉ាណូ បានថ្លែងបន្តថា៖ «អ៊ីរ៉ង់បានបង្ហាញសំណើថ្មីមួយដល់ IAEA កាលពីខែមុនដែលមានទាំងវិធានការអនុវត្តក្នុងការពង្រឹងកិច្ចសហការ និងកិច្ចចរចា ហើយយើងសង្ឃឹមថា នឹងប្រើវាជាមូលដ្ឋាន»។
IAEA បានពិនិត្យជាប្រចាំនូវទីតាំងនុយក្លេអ៊ែរអ៊ីរ៉ង់ ប៉ុន្តែខ្លួនក៏ចង់ឲ្យក្រុងតេអេរ៉ង់ឆ្លើយនឹងការចោទប្រកាន់ ដែលថា ខ្លួនបានព្យាយាមតាំងពីមុនឆ្នាំ២០០៣ និងអាចតាំងពីពេលនោះ មកដើម្បីផលិតអាវុធនុយក្លេអ៊ែរ៕ PN
No comments:
Post a Comment