Marcelo Diaz (ឆ្វេង) របស់ក្រុម Basel ដណ្តើមបាល់ជាមួយ Willian របស់ Chelsea អំឡុងជំនួបកាលពីជើងទី១ក្នុងពូល E។ AFP
FC Basel (ស្វ៊ីស) v Chelsea (អង់គ្លេស) - 2:45 ទៀបភ្លឺ
ក្រោយពីបានធ្លាក់ចេញក្នុងវគ្គជម្រុះតាមពូលនេះកាលពីរដូវកាល មុន ក្នុងនាមជាម្ចាស់ការពារតំណែងជើងឯក Chelsea ត្រូវការត្រឹមតែលទ្ធផលស្មើប៉ុណ្ណោះនៅពេលជួបជាមួយនឹងក្រុម Basel ក្នុងប្រទេសស្វ៊ីសនៅរាត្រីនេះដើម្បីឈានទៅប្រកួតក្នុងវគ្គ១៦ ក្រុមចុងងក្រោយ ហើយការទទួលជ័យជម្នះជាលើកទី៤ជាប់ៗគ្នាក្នុងពូល E នឹងធ្វើឲ្យក្រុមតោខៀវមួយនេះឈានទៅវគ្គបន្ត។ លទ្ធផលនៃការប្រកួតក្នុងជើងទី២ Chelsea ចាញ់ ២-១។
Steaua Bucharest (រូម៉ានី) v Schalke 04 (អាល្លឺម៉ង់)-2:45 ទៀបភ្លឺ
ក្រុម Schalke នឹងត្រូវឈានទៅប្រកួតថ្ងៃទី៥នេះដោយឈរក្នុងចំណាត់ថ្នាក់លេខ២ ក្នុងពូល E ហើយការទទួលជ័យជម្នះមួយក្នុងប្រទេសរូម៉ានី បូករួមទាំងការបរាជ័យមួយសម្រាប់ក្រុម Basel នៅពេលជួប Chelsea នឹងធ្វើឲ្យក្រុមស្ថិតក្នុងក្របខ័ណ្ឌ Bundesliga ឈានទៅប្រកួតក្នុងវគ្គបន្ត។
លទ្ធផលជំនួបកាលពីលើកមុន ក្រុម Schalke ឈ្នះ ៣-០។
ពូល F
Arsenal (អង់គ្លេស) v Marseille (បារាំង) - 2:45 ទៀបភ្លឺ
Arsenal នឹងខិតកាន់តែកៀកទៅកាន់កៅអីមួយក្នុងវគ្គ១៦ក្រុមចុងក្រោយនៅ រាត្រីនេះ តាមរយៈការផ្តល់ការបរាជ័យជាលើកទី៥ក្នុងចំណោម៥ប្រកួតក្នុង យុទ្ធនាការនៅរដូវកាលនេះសម្រាប់ក្រុម Marseille។ ប្រសិនបើក្រុមកាំភ្លើងធំទទួលជ័យជម្នះនៅឯកីឡដ្ឋាន Emirates ស្របពេលដែលក្រុម Borussia Dortmund មិនអាចស្វែងរកជ័យជម្នះក្នុងផ្ទះខ្លួនឯងលើក្រុម Napoli ពួកគេនឹងឈានទៅប្រកួតវគ្គ១៦ចុងក្រោយ។ ជំនួបកាលពីលើកមុន Arsenal ឈ្នះ ២-១។
Borussia Dortmund (អាល្លឺម៉ង់) v Napoli (អ៊ីតាលី) - 2:45 ទៀបភ្លឺ
Borussia Dortmund ដែលជាក្រុមជើងឯករងក្នុងក្របខ័ណ្ឌ Champions League អាចនឹងត្រូវកាត់ចេញ ខណៈនៅសល់១ប្រកួតទៀតជម្រុះវគ្គតាមពូលនេះ ប្រសិនបើពួកគេមិនអាចផ្តួលក្រុម Napoli នៅអាល្លឺម៉ង់ ហើយ Arsenal ផ្តួល Marseille។ ជំនួបកាលពីលើកមុន Dortmund ចាញ់ ២-១។
ពូល G
FC Porto (ព័រទុយហ្គាល់) v Austria Vienna (អូទ្រីស) - 2:45 ទៀបភ្លឺ
ក្រុម ម្ចាស់ជើងឯកទ្វីបអឺរ៉ុបពីរសម័យកាល Porto ចាំបាច់ត្រូវតែទទួលជ័យជម្នះក្នុងទឹកដីខ្លួនឯងពេលជួបក្រុម Austria Vienna នៅកីឡដ្ឋាន Estadio do Dragao ខណៈដែលពួកគេត្រូវប្រជែងជាមួយ Zenit សម្រាប់តំណែងលេខ២ក្នុងពូល G និងកៅអីទៅវគ្គ១៦ក្រុមចុងក្រោយ។ ជំនួបកាលពីលើកមុន Porto ឈ្នះ ១-០។
Zenit St Petersburg (រុស្ស៊ី) v Atletico Madrid (អេស្ប៉ាញ)-11 យប់
Atletico Madrid ឈ្នះកៅអីឈានទៅប្រកួតវគ្គ១៦ក្រុមរួចជាស្រេចក្នុងនាមជាក្រុម តែមួយដូចទៅនឹងក្រុមម្ចាស់ការពារតំណែងជើងឯក Bayern Munich ដែរ ដែលទទួលជ័យជម្នះទាំងបួនប្រកួតក្នុងពូលរបស់ពួកគេ។ លទ្ធផលក្នុងជំនួបកាលពីលើកមុន Atletico ឈ្នះ ៣-១។
ពូល H
Ajax (ហូឡង់) v Barcelona (អេស្ប៉ាញ) - 2:45 ទៀបភ្លឺ
ការ ទទួលជ័យជម្នះ ៤-០ របស់ Barcelona លើក្រុម Ajax កាលពីខែកញ្ញា គឺជាជំនួបជាលើកទី១រវាងក្រុមជើងខ្លាំងក្នុងទ្វីបអឺរ៉ុបពីរ ដែលត្រូវបានជាប់ទាក់ទងនឹងលោកគ្រូបង្វឹក Johan Cruyff ដែលជាអតីតកីឡាករដ៏ឆ្នើមម្នាក់។ នៅពេលនេះ ពួកគេនឹងត្រូវជួបគ្នាក្នុងទីក្រុង Amsterdam ជាលើកទី១ ស្របពេល Barcelona បានឈានទៅវគ្គ១៦ក្រុមរួចជាស្រេច និងត្រូវការត្រឹមតែ១ពិន្ទុប៉ុណ្ណោះក្នុងការរក្សាតំណែងនៅលើកំពូល តារាងក្នុងពូល H របស់ពួកគេ។
Celtic (ស្កុតឡេន) v AC Milan (អ៊ីតាលី) - 2:45 ទៀបភ្លឺ
ការ ប្រកួតនៅលើទីលាន Celtic Park មួយនេះ គឺជាជំនួបដ៏សំខាន់មួយក្នុងការប្រជែងដណ្តើមចំណាត់ថ្នាក់លេខ២ ក្នុងពូល H។ AC Milan នឹងឈានទៅកាន់ទីក្រុង Glasgow ដោយស្ថិតក្នុងចំណាត់ថ្នាក់លេខ២ ហើយនិងឈានទៅវគ្គបន្ត ប្រសិនបើពួកគេទទួលជ័យជម្នះ និងស្របពេល Ajax បរាជ័យក្នុងផ្ទះខ្លួនឯងក្រោមស្នាដៃក្រុម Barcelona។
ជំនួបកាលពីលើកមុន Celtic ចាញ់ ២-០៕ IS
No comments:
Post a Comment