រូបភាពឯកសារ
លោកសោម សិរីរត្នអគ្គនាយកនៃ អគ្គនាយកដ្ឋានអប់រំនៃក្រសួងអប់រំយុវជននិងកីឡាមានប្រសាសន៍ថា ការប្រលងនៅឆ្នាំនេះនឹងត្រូវធ្វើឡើងយ៉ាងតឹងរឹងបំផុតប្រកបដោយ សច្ចយុត្តិធម៌ ដើម្បីធានាគុណភាពនៃការអប់រំនៅកម្ពុជាហើយបេក្ខជនទាំងពីរភេទនឹង ត្រូវបញ្ឈប់ការប្រឡងឬ ព្យួរការប្រឡងរបស់បេក្ខជនទាំងនោះតែម្តងប្រសិនបើពួកគេប្រព្រឹត្ត អំពើអសកម្មក្នុងសម័យប្រឡង។ បេក្ខជនណាធ្វើជាមេខ្លោងប្រមូលលុយ ឬណែនាំបេក្ខជនដទៃឲ្យប្រមូលលុយឬយកលុយទៅឲ្យអនុរក្សនឹងត្រូង ឲ្យ ធ្លាក់ជាស្វ័យប្រវត្តិនិងផ្អាកមិនឲ្យប្រឡងរយៈ ពេល១ឆ្នាំ។រីឯចំពោះបេក្ខជនលួចចម្លងចម្លើយពីឯកសារព្រាងនឹង ត្រូវទទួលបានពិន្ទុសូន្យហើយត្រូវបញ្ឈប់មិនឲ្យប្រឡងបន្តទៀតនៅ ក្នុងសម័យប្រឡងនេះតែម្តង។
មិនត្រឹមតែប៉ុណ្ណោះបេក្ខជនណាប្រើប្រាស់ទូរស័ព្ទនៅក្នុងបន្ទប់ ប្រឡង នឹងត្រូវឲ្យធ្លាក់ជាស្វ័យប្រវត្តិ និងផ្អាកមិនឲ្យចូលរួមប្រឡងរយៈពេល២ឆ្នាំ។ ជាមួយគ្នានេះដែរលោកក៏បានអំពាវនាវដល់បេក្ខជនប្រលងទាំងអស់ត្រូវ ខិតខំរៀនសូត្រនិងត្រូវគោរពបទបញ្ជាក្នុងការប្រលងឲ្យបានត្រឹមត្រូវ ។
បំណងរបស់ក្រសួងនោះគឺទី១សូមឲ្យសិស្សានុសិស្សខិតខំរៀនសូត្រ ដើម្បីយកចំណេះដឹងហ្នឹងទៅប្រឡងឲ្យបានល្អទាំងអស់គ្នាទី២គឺគោរព វិន័យបទបញ្ជាក្នុងការប្រលងឲ្យបានត្រឹមត្រូវ ជៀសវាងនូវ បាតុភាពអសកម្មផ្សេងៗដែលកើតឡើងដោយយថាហេតុ។
សូមបញ្ជាក់ថាការប្រលងសញ្ញាបត្រមធ្យមសិក្សាទុតិយភូមិឆ្នាំនេះក៏ ដូចឆ្នាំមុនដែរគឺបែងចែកជាពីរផ្នែកទី១ គឺខាងផ្នែកវិទ្យាសាស្ត្រពិតទី២ខាងផ្នែកវិទ្យាសាស្ត្រសង្គម ដែលមានបេក្ខជនប្រលងសរុបទាំងអស់ចំនួនជាង១១ម៉ឺននាក់ក្នុងនោះមាន សិស្សស្រីចំនួនជាង៥ម៉ឺននាក់ហើយសិស្សដែលដាក់ពាក្យប្រលងខាង ផ្នែកវិទ្យាសាស្ត្រពិតមានចំនួន៩៥.០០០នាក់ ។
ចំនែកមណ្ឌលប្រលងទូទាំងប្រទេសមានចំនួន២៣៤ បែងចែកជាបន្ទប់មានចំនួន៤៣១៤បន្ទប់៕ ដោយ ជែម
No comments:
Post a Comment