លោក Derrick Tan ប្រធានក្រុមហ៊ុនរៀបចំរាល់ព្រឹត្តិការណ៍ធំៗ ការស្រាវជ្រាវ និងផ្សព្វផ្សាយផ្នែកបច្ចេកវិទ្យា (IDG) បានមានប្រសាសន៍ នៅថ្ងៃទី៥ ខែមិថុនា ឆ្នាំ២០១៣ នាសណ្ឋាគារ អ៊ីធឺខន ថា សន្និសិទអន្តរជាតិលើកទី៥ ស្តីពី “វិស័យធនាគារ និងមីក្រូហិរញ្ញវត្ថុ ឆ្នាំ២០១៣” ពេលដ៏មានតំលៃអស្ចារ្យជាលើកដំបូងមួយនៃការប្រារព្ឋឡើងនៅពិធី ប្រគល់រង្វាន ស្តីពី ស្ថាប័នធនាគារ និងមីក្រូហិរញ្ញវត្ថុ ដែលមានភាពនាំមុខគេមួយប្រចាំនៅកម្ពុជា និងមានរួមសហការដោយសមាគមនមីក្រូហិរញ្ញវត្ថុកម្ពុជា និងក្រុមហ៊ុនទិន្នន័យអន្តរជាតិហៅកាត់ថា (IDG ASEAN)។
លោកបន្តថា សន្និសីទនេះ បានឆ្លុះបញ្ជាំងយ៉ាងខ្លាំងក្លា និងមានភាពជិតស្និតបំផុតជាមួយនិងប្រព័ន្ឋសេដ្ឋកិច្ចសកល នៅក្នុងឆ្នាំនេះផងដែរ ដែលយើងបានរៀបចំឡើងនៅក្រោមបរិបទ “បច្ចេកវិទ្យាដ៏ទំនើបកំពុងនាំទៅរកវិស័យធនាគារ និងមីក្រូហិរញ្ញវត្ថុសកល” នេះគឺត្រូវបានរចនាឡើង ដើម្បីធ្វើការឆ្លុះបញ្ជាំងនៃវិស័យបច្ចេកវិទ្យា ដែលមានលក្ខណៈជាសកល និងជាឯកជននៅក្នុងវិស័យធនាគារ និងស្ថាប័នឯកជន ដែលអាចនឹងជម្រុញនូវភាគទុនជាច្រើន។
ម្យ៉ាងវិញទៀត អនុរដ្ឋលេខាធិការធនាគារកណ្តាល និងជាធនាគារជាតិនៃកម្ពុជា លោកស្រី SreySiyoutក៏បានលើកឡើងថា ហើយកំណើននេះ សម្រេចបាន ៧,៣ភាគរយ នៅឆ្នាំ២០១២ ហើយត្រូវបានព្យាករណ៍ថា នឹងសម្រេចបានក្នុងរង្វង់ ៧,០ភាគរយ នៅឆ្នាំ២០១៣នេះ។ តម្លៃផលិតផលសរុបក្នុងស្រុក (គិតតាមថ្លៃបច្ចុប្បន្ន) មានចំនួន ៥៦.៦១៧ពាន់លានរៀល ឬប្រមាណ ១៤.០៣៨លានដុល្លារអាមេរិក ។
លោកស្រីបញ្ជាក់ថា «កំណើនសេដ្ឋកិច្ចកម្ពុជា បាននឹងកំពុងបង្ហាញនូវភាពមាំមួនឆ្ពោះទៅរកគោលនយោបាយប្រចាំឆ្នាំ ៧,០ភាគរយ តាមយុទ្ឋសាស្ត្រចតុកោណដំណាក់កាលទី២ របស់រាជរដ្ឋាភិបាល»។
សូមបញ្ជាក់ថា កំណើនសម្រាប់ឆ្នាំ២០១២នេះ បានសម្រេចដោយកំណើនវិស័យកសិកម្មបានកើនឡើង ៦,៧ភាគរយ ដែលនៅក្នុងនោះវិស័យកាត់ដេរបានកើនឡើង ៦,៩ភាគរយ និងវិស័យសេវាកម្មបានកើនឡើង ៨,១ភាគរយ ដែលនៅក្នុងនោះវិស័យសណ្ឋាគារ និងភោជនីយដ្ឋានបានកើនឡើង ១២,៥ភាគរយផងដែរ៕ជែម
No comments:
Post a Comment