ពលរដ្ឋអ្នកនៅជិតខាង បាននិយាយថា នៅវេលាម៉ោងជាង១១ថ្ងៃត្រង់នោះ គឺពួកគាត់កំពុងហូបបាយ ស្រាប់តែធុំក្លិនឆ្ងៀមហើយងាកទៅមើលខាងក្រៅផ្ទះ ស្រាប់តែឃើញផ្សែងខ្មៅហុយឡើងលើមេឃ និងឃើញអណ្ដាតភ្លើងឆាបឆេះពេញទំហឹងតែម្ដង។ នៅពេលភ្លើងឆាបឆេះនោះ គឺមនុស្សម្នាភ័យព្រួយពីការឆេះរាលដាលដល់ផ្ទះពួកគាត់ រវល់តែរត់ទៅរកទឹកមកជួយពន្លត់ភ្លើង និងជាស់ជញ្ជាំងផ្ទះខ្លួនឯង ការពារកុំឲ្យភ្លើងឆេះរាលមក។ នៅក្នុងផ្ទះជនរងគ្រោះ ក៏ពុំទាន់ដឹងថា ឆេះមកពីមូលហេតុអ្វីបង្កឲ្យកើតភ្លើងឆេះទេ ហើយមានមនុស្សម្នាក់រងគ្រោះ។
ឡានទឹកពន្លត់អគ្គិភ័យប៉ូលិស ខេត្តបាត់ដំបងចំនួន ២ គ្រឿងបានមកជួយបាញ់ទប់ស្កាត់ និងពន្លត់កម្លាំងភ្លើងឆេះភ្លាមៗដែរ ប៉ុន្តែគេពុំទាន់ដឹងថា អាចជួយទប់ស្កាត់បានដែរឬអត់ ខណៈអណ្តាតភ្លើងកំពុងតែឆេះយ៉ាងសន្ធោសន្ធៅនោះ៕ ស្រីផល
No comments:
Post a Comment