ភ្នំពេញ ៖ រថយន្តពីរគ្រឿងបានរងនូវការខូចខាត ដោយសារត្រូវម្ចាស់បើកបុកគ្នា នៅចំណុចផ្លូវលេខ192 កែងផ្លូវលេខ51 ស្ថិតក្នុងសង្កាត់បេងកេងកងទី1 ខណ្ឌចំការមន កាលពីវេលាម៉ោង7នឹង15នាទីព្រឹក ថ្ងៃទី6 ខែឧសភា ឆ្នាំ2013 ។
តាមប្រភពព័ត៌មានពីកន្លែងកើតហេតុ បានឲ្យដឹងថា រថយន្តពីរគ្រឿងមួយគ្រឿងម៉ាក pamax ពណ៌ខៀវ ពាក់ស្លាកភ្នំលេខ ភ្នំពេញ3b-7124 បើកបរដោយបុរសម្នាក់ ធ្វើដំណើរតាមបណ្តោយផ្លូវលេខ១៩២ ក្នុងទិសដៅពីលិចទៅកើត ខណៈបើកមកដល់ចំណុចផ្លូវកែង លេខ៥១ ក៏បុកគ្នាជាមួយរថយន្តមួយគ្រឿងទៀត ម៉ាកកាមរី ពណ៌ខ្មៅ ពាក់ស្លាកលេខ ភ្នំពេញ2o-4177 ដែលបើកបរក្នុងទិសដៅពីជើងទៅត្បូង ពេញទំហឹង បណ្តាលឲ្យរថយន្តកាមរីឆ្លាមរងការខូចខាតយ៉ាងដំណំ។
ក្រោយពេលកើតហេតុ រថយន្តម្ចាស់រថយន្តទាំងពីរគ្រឿងបានធ្វើការសម្របសម្រួលគ្នាដោយ ភាគី ខាងម្ចាស់រថយន្ត pamax ចេញសងថ្លៃខូចខាតទៅឲ្យម្ចាស់រថយន្ត ម៉ាកកាមរី ដើម្បីបញ្ចប់រឿង ព្រោះមិនចង់វែងឆ្ងាយ៕ ជោគជ័យ
No comments:
Post a Comment