លោកឧបនាយករដ្ឋមន្ត្រី ហោ ណាំហុងបញ្ជាក់ថា រដ្ឋាភិបាលជប៉ុន បានយកចិត្តទុកដាក់ផ្តល់ជំនួយជាយូរមកហើយ ដើម្បីកែលម្អ ធ្វើឱ្យប្រសើរឡើងវិស័យផ្គត់ផ្គង់ទឹកស្អាតនៅកម្ពុជា ចាប់តាំងពីឆ្នាំ១៩៩០មកម្ល៉េះ ។ ក្នុងនោះ គម្រោងសំខាន់ៗរួមមាន ការផ្តល់ជំនួយដើម្បីសាងសង់រោងចក្រប្រព្រឹត្តកម្មទឹកស្អាតនៅ ទីក្រុងភ្នំពេញ និងទីក្រុងសៀមរាប និងការផ្តល់ជំនួយសហប្រតិបត្តិការបច្ចេកទេសដល់មន្ត្រី បុគ្គលិក រដ្ឋាករទឹកស្វយ័តក្រុងភ្នំពេញ ។ នៅប៉ុន្មានឆ្នាំខាងមុខ ជាមួយនឹងការពង្រឹង និងពង្រីកសមត្ថភាពផលិតទឹកស្អាតនៅទីក្រុងទាំងពីរ រដ្ឋាភិបាលជប៉ុនបាន និងកំពុងផ្តល់ជំនួយបន្ថែមលើការសាងសង់ស្ថានីយ៍ផលិតទឹកស្អាត និងបណ្តាញចែកចាយទឹកស្អាតនៅតំបន់ទីប្រជុំជនខេត្តមួយចំនួន ។ ជាក់ស្តែង ដូចជាការចុះហត្ថលេខា លើលិខិតប្តូរសារ សម្រាប់គម្រោងពង្រីកប្រព័ន្ធផ្គត់ផ្គង់ទឹកស្អាតនៅខេត្តកំពង់ចាម និងខេត្តបាត់ដំបងនាថ្ងៃនេះ ។
ក្នុងនាមរាជរដ្ឋា ភិបាល និងប្រជាជនកម្ពុជា ឯកឧត្តម ហោ ណាំហុង បានថ្លែងអំណរគុណយ៉ាងជ្រាលជ្រៅតាមរយៈឯកឧត្តម យូជី គូម៉ាម៉ារូ ចំពោះរដ្ឋាភិបាល និងប្រជាជនជប៉ុនដែលតាំងពីដើមរៀងមកតែងតែបានគាំទ្រផ្តល់ជំនួយ ឥតសំណងយ៉ាងច្រើនសន្ធឹកសន្ធាប់ សម្រាប់គម្រោងអភិវឌ្ឍន៍លើវិស័យជាច្រើននៅក្នុងព្រះរាជាណាចក្រ កម្ពុជា ៕.ជែម
នៅក្នុងពិធីនោះដែរ លោកឯកអគ្គរាជទូតជប៉ុន បានមានប្រសាសន៍ថា លោកមានសេចក្តីរីករាយចំពោះការផ្តល់ជំនួយអភិវឌ្ឍន៍សង្គម ជាពិសេសបញ្ហាប្រព័ន្ធទឹកស្អាត ហើយរាជរដ្ឋាភិបាលជប៉ុន រីករាយបន្តជួយដល់កម្ពុជាលើវិស័យជាច្រើន។ ចំពោះវិស័យផ្តល់អាហារូបករណ៍ គឺជាវិស័យមួយដ៏សំខាន់ហើយប្រជាជន និងប្រជាជននៃប្រទេសទាំងពីរ ផ្លាស់ប្តូរបទពិសោធន៍ជាមួយគ្នា ហើយក៏ជាផ្នែកមួយនៃការពង្រឹងកិច្ចសហប្រតិបត្តិការនៃប្រទេសទាំង ពីរ កាន់តែរឹងមាំ។
ក្នុងរយៈពេល ៦ ខែដើមឆ្នាំ២០១៣នេះ លោកឧបនាយករដ្ឋមន្ត្រី បានចុះហត្ថលេខាលើលិខិតប្តូរសារផ្តល់ជំនួយឥតសំណងរវាងកម្ពុជា និងជប៉ុន មានចំនួន ២ លើករួចមកហើយ លើកគំរោងចំនួន ៣ ដូច្នេះ (ពេលនេះជាលើកទី២ លើគំរោងចំនួន២) ដូច្នេះ ៦ ខែឆ្នាំ២០១៣មានចំនួន ៥ គំរោង ប៉ុន្តែបើបូកជាមួយលិខិតប្តូរសារលើឥណទានសម្បទានកម្ចីការប្រាក់ ទាបផង នោះគឺជាការចុះហត្ថលេខាលើលិខិតប្តូរសារលើកទី៣៕ ជែម
No comments:
Post a Comment