សឹង្ហបូរី៖ ក្នុងកិច្ចប្រជុំ Shangri-La ប្រចាំឆ្នាំលើកទី ១២ នៅសឹង្ហបូរី នាថ្ងៃសៅរ៍នេះលោករដ្ឋមន្ត្រីការពារជាតិសហរដ្ឋ Chuck Hagel បានធ្វើការចោទប្រកាន់ដល់រដ្ឋាភិបាលចិន ថាពាក់ព័ន្ធការវាយប្រហារលើ Internet លួចយកឯកសារសម្ងាត់របស់សហរដ្ឋអាមេរិកកាលពីដើមសប្ដាហ៍មកនេះ។
ការថ្លែងចោទប្រកាន់របស់លោក Hagel ត្រូវបានគេចាត់ទុកជាជំហានដ៏គ្រោះថ្នាក់មួយចំពោះចំនងការទូតរបស់ ប្រទេសទាំង ២ ដែលគេដឹងថានឹងមានការប្រជុំមួយលើកឡើងនៅសប្ដាហ៍ក្រោយនេះ ហើយអាចនឹងមានការពិភាក្សាលើបញ្ហាលួចឯកសារសម្ងាត់នេះផងដែរ។
លោក Chuck Hagel បានក្នុងកិច្ចប្រជុំ Shangri-La ថា សហរដ្ឋអាមេរិកបានបង្ហាញនូវកង្វល់ជុំវិញករណីចោះចូលលួចឯកសារ សម្ងាត់ ដែលរកឃើញថាមានការពាក់ព័ន្ធពីរដ្ឋាភិបាល និងកងទ័ពចិន សហរដ្ឋអាមេរិក និងប្រទេសចិនជាដៃគូសហការណ៍សេដ្ឋកិច្ចដ៏ធំ ហេតុនេះហើយករណីបែបនេះគឺអាចនាំឱ្យមានកិច្ចប្រជុំមួយដើម្បី ដោះស្រាយវាផងដែរ។ គួរបញ្ជាក់ផងដែរថាលោកប្រធាន Xi Jinping ប្រមុខរដ្ឋចិន និងធ្វើដំណើរមកប្រជុំការងារជាមួយលោក Barak Obama នាថ្ងៃទី ៧ មិថុនាខាងមុខនេះ៕ ប្រែសម្រួលដោយ៖ វង្ស វឌ្ឍនា
No comments:
Post a Comment