ព័ត៌មានបឋម៖
សេចក្ដីរាយការណ៍បឋមមួយរបស់មហាជនបានឲ្យដឹងថា
មានករណីអគ្គិភ័យមួយបានឆាបឆេះអាគារក្រុមហ៊ុនទូរស័ព្ទមិត្តហ្វូន
ដែលមានចំនួន ៣ ជាន់ ។
ក្រុមហ៊ុននោះមានទីតាំងនៅក្បែរធនាគារកាណាឌីយ៉ា
ក្នុងទីរួមខេត្តសៀមរាប ។ ប្រភពពីកន្លែងកើតហេតុបានឲ្យដឹងថា
មូលហេតុដែលនាំឲ្យបញ្ហាអគ្គិភ័យនេះកើតឡើងគឺ
ដោយសារតែបញ្ហាទុស្សេខ្សែភ្លើងនៅក្នុងអាគារនោះ
ហើយបានបណ្ដាលឲ្យអាគារក្រុមហ៊ុននោះត្រូវបានអគ្គិភ័យឆាបឆេះពីជាន់
ខាងក្រោម (ជាន់ទីមួយ) ។
បញ្ហាអគ្គិភ័យនោះកំពុងតែមានសភាពខ្លាំងឡើងៗ ចាប់ផ្តើមមានអណ្តាតភ្លើងសន្ធោសន្ធៅ និងមានផ្សែងខ្មួរខ្មាញ់ ។ ប្រភពព័ត៌មានបន្ថែមពីកន្លែងកើតហេតុបានបញ្ជាក់ថា មានបុគ្គលិករបស់ក្រុមហ៊ុននោះនៅជាប់ខាងក្នុងអាគារ ប៉ុន្តែនៅពេលកើតហេតុ បុគ្គលិកទាំងនោះបានចាកចេញពីអាគារទាន់ពេលវេលា មិនបានរងរបួសឡើយ ។ បច្ចុប្បន្ន កងកម្លាំងសមត្ថកិច្ច និងរថយន្ដពន្លត់អគ្គិភ័យបានចុះអន្តរាគមន៍ និងដោះស្រាយករណីនេះភ្លាមៗនៅនឹងកន្លែងកើតហេតុ ។
បញ្ហាអគ្គិភ័យនោះកំពុងតែមានសភាពខ្លាំងឡើងៗ ចាប់ផ្តើមមានអណ្តាតភ្លើងសន្ធោសន្ធៅ និងមានផ្សែងខ្មួរខ្មាញ់ ។ ប្រភពព័ត៌មានបន្ថែមពីកន្លែងកើតហេតុបានបញ្ជាក់ថា មានបុគ្គលិករបស់ក្រុមហ៊ុននោះនៅជាប់ខាងក្នុងអាគារ ប៉ុន្តែនៅពេលកើតហេតុ បុគ្គលិកទាំងនោះបានចាកចេញពីអាគារទាន់ពេលវេលា មិនបានរងរបួសឡើយ ។ បច្ចុប្បន្ន កងកម្លាំងសមត្ថកិច្ច និងរថយន្ដពន្លត់អគ្គិភ័យបានចុះអន្តរាគមន៍ និងដោះស្រាយករណីនេះភ្លាមៗនៅនឹងកន្លែងកើតហេតុ ។
អគ្គិភ័យនេះបានធ្វើឲ្យមន្ត្រីពន្លត់អគ្គិភ័យ
និងរថយន្ដពន្លត់អគ្គិភ័យមានការលំបាកក្នុងការពន្លត់
ដោយសារតែមានស្លាកយីហោក្រុមហ៊ុនទូរស័ព្ទមិត្តហ្វូនយ៉ាងធំនៅបាំងអាគារនោះ ។
ប៉ុន្តែពួកគាត់នៅតែព្យាយាមប្រឹងប្រែងពន្លត់
ដោយបានដោះស្លាកយីហោនោះចេញ ។