ប្រកាសឈ្មោះ​ក្លឹប​ដែលចូល​រួម​លេងក្នុង​ពាន Guinness International Champions Cup 2014

Guinness ​បានប្រកាស​ព្រឹត្តិការណ៍​កីឡាបាល់ទាត់​ Guinness​ International ​Champions ​Cup​ 2014 ​កាលពីថ្ងៃអង្គារ​ នៅក្នុងសន្និសីទ​សារព័ត៌មាន​នៅក្នុងទីក្រុង​ Miami​ សហរដ្ឋអាមេរិក ​។ ​ក្លឹបធំៗជាងគេ​នៅលើពិភព​លោក​ នឹងត្រូវធ្វើ ​ដំណើរទៅ​ទឹកដីសហរដ្ឋ​អាមេរិក​នៅរដូវក្តៅ​ខាងមុខនេះ​ ដើម្បីចូលរួម​ព្រឹត្តិការណ៍​បាល់ទាត់​ Guinness International Champions ​Cup​ 2014​ នេះ ។
ព្រឹត្តិការណ៍នេះ​មានការចូល​ពីក្លឹបធំៗបី​នៅក្នុង​ក្របខ័ណ្ឌ​ Premier​ League ​និងក្លឹបធំៗបី​ទៀតមក​ពីអ៊ីតាលី​ ក្នុងនោះ ក៏មាន​ Real Madrid​ និង Olympiacos​ នឹងធ្វើទស្សនកិច្ច​ទេសចរណ៍​ទៅសហរដ្ឋ​អាមេរិក​ ដើម្បីចូលរួម​វគ្គផ្តាច់ព្រាត់​នៅ Sun ​Life ​Stadium ​រដ្ឋ ​Miami ​សហរដ្ឋអាមេរិក ​។

ក្នុងនោះមាន​ដូចជាក្រុម​ Manchester United ​, Manchester City ​, Liverpool ​ , AC Milan ​, Inter Milan​ ,Roma​ , Real Madrid ​, Olympiacos​ ។ ការប្រកួត​នឹងប្រព្រឹត្តទៅ​ នៅក្នុងទីក្រុង​ Phoenix ​, ក្រុង Denver ​, Washington D.C ​, ទីក្រុង Charlotte​ , NC​ , Dallas ​និង Pittsburgh ​, ទីក្រុង Philadelphia ​, Chicago ​, New York​ / New Jersey​ និងមានកន្លែង​ ពីរបន្ថែមទៀត ​ហើយការប្រកួត​វគ្គផ្តាច់ព្រ័ត្រ​នឹងរៀបចំ​ ពហុកីឡដ្ឋាន​ Sun Life Stadium ​ នៅរដ្ឋ Miami ​។ ​ការប្រកួត ត្រូវបែងចែក​ចេញជា​ពីរពូលនិង​មានចំនួនបី​ប្រកួត ​ហើយយក​ក្រុមណា​ដែលឈ្នះ​តាមពូល​ទៅប្រកួតវគ្គផ្តាច់ព្រាត់​ ។
ក្រុម Real Madrid ​,  AC Milan​ និង Inter Milan​ បានចូលរួម ​នៅក្នុងព្រឹត្តិការណ៍នេះ​ កាលពីឆ្នាំមុន​។ ​ហើយ ក្លឹប Real Madrid​ ជាអ្នកឈ្នះបានជើង​ឯកនៅពហុ​កីឡដ្ឋាន ​Sun​ Life ​Stadium ​ដោយបាន​យកជ័យជម្នះ​ ៣-១ ​លើក្រុមតោខៀវ​ Chelsea​ ក្នុងនោះ​ស៊ុតបញ្ចូល​ទីពីរគ្រាប់​ ដោយកីឡាករ​ Ronaldo​ និង Marcelo ​បន្ថែមបាន​មួយគ្រាប់ទៀត​ ។