មេឃខៀវ លុត ហង្សក្រហម រង្គើពហុកីឡដ្ឋាន (Video Inside)

អង់គ្លេស៖ ក្លិបមេឃខៀវ Manchester City  បានរក្សាកំណត់ត្រា និងគោលដៅ របស់ខ្លួន ដ៏អស្ចារ្យ នៅលើទឹកដី របស់ខ្លួន ដោយឈ្នះ លើហង្សក្រហម ក្នុងលទ្ធផល ២-១ នៅពហុកីឡដ្ឋាន Etihad Stadium កាលពីរាត្រី រំលងអធ្រាត យប់មិញនេះ។
 សម្រាប់គូប្រកួតនេះ បានធ្វើឲ្យ ពហុកីឡដ្ឋាន Etihad Stadium សឹងតែរកកន្លែង អង្គុយមិនបាន និងស្ទើរតែ បាក់ពហុកីឡដ្ឋាន ទៅហើយ ព្រោះតែ សកម្មភាព វាយបក របស់គូប្រកួត សឹងតែ ដកដង្ហើម មិនរួច នោះ ។ វាជាការចាំបាច់ណាស់ សម្រាប់ ក្លិបទាំងពីរ ត្រូវការឈ្នះ រៀងខ្លួន ដើម្បី ឡើងមកកាន់ កំពូលតារាង ជាពិសេស ហង្សក្រហម Liverpool ដែលត្រូវ ប្រកួតប្រជែង កំពូលតារាង ជាមួយនឹង ក្លិបកាំភ្លើងធំ។
បើទោះបីជា កីឡាករ Coutinho របស់ហង្សក្រហម បានបំប៉ោង សំណាញ់របស់ មេឃខៀវ នៅនាទី ២៤ មែនពិត តែ ៧ នាទីក្រោយមក នៅនាទី ៣១ ប្រធានក្រុម Kompany របស់មេឃខៀវ បានតែតបំប៉ោង សំណាញហង្សក្រហម ខណៈដែល បានលើកចេញពីជ្រុងនោះ។
កៀកនឹងចប់តងទៅហើយ នៅនាទី ៤៥+១ មេឃខៀវ រកគ្រាប់បាល់ បន្ថែមទៀត ដោយកីឡាករ Negredo ដោយការស៊ុត បង្ហើរក្បាលអ្នកចាំទី បើទោះបីជា អ្នកចាំទីហង្សក្រហមអាច ទប់ល្បឿនបាល់បាន តែបាល់នៅតែ រត់ចូលទីដដែល ។ដោយឡែក កីឡាករ Suarez ដែលរាល់ការ ប្រកួតអាច ស្វែងរកគ្រាប់បាល់ រហូតនោះ បែរជាធ្វើ មិនបានសម្រេច ទាល់តែសោះ ក្រោមទម្រង់ខ្សែការពារ ដ៏ណែនណាន់ តាន់តាប់របស់ ក្លិបមេឃខៀវ ដោយចប់ លទ្ធផល មេឃខៀវឈ្នះ ហង្សក្រហម ២-១ លើទឹកដីខ្លួន ។
លទ្ធផលបរាជ័យរបស់ ហង្សក្រហម បានធ្លាក់ខ្លួន ទៅកាន់តារាងទី ៤ ខណៈដែលអាច គ្រងតារាងកំពូល បានតែម្តង ក្នុងអំឡុង ៥ ឆ្នាំចុងក្រោយ ដោយមាន ៣៦ ពិន្ទុ ខណៈដែល កាំភ្លើងធំឡើង ទៅកាន់កំពូល តារាងវិញ ដោយមាន ៣៩ ពិន្ទុ និង មេឃខៀវ ស្ថិតនៅ លំដាប់ទី ២ មាន ៣៨ ពិន្ទុ ៕