លោកប្រធានាធិបតី Bashar al-Assad របស់ប្រទេសស៊ីរី បានឱ្យដឹងថាប្រទេសស៊ីរី បានទទួលការសម្រេចលក់កាំជ្រួច S-300 ហើយពីប្រទេសរ៉ូស្ស៊ី កាលពីពេលថ្មីៗនេះ នេះបើតាមការផ្សាយរបស់បណ្ដាញទូរទស្សន៍រដ្ឋ Lebanese al-Manar TV បានឱ្យដឹង។
លោកបាននិយាយថាការចរចារគ្នាបានធ្វើឡើងដោយរលូនហើយភាគីរ៉ូ ស្ស៊ី បានទទួលកល់ S-300 ឱ្យស៊ីរី ហើយនៅរង់ចាំតែការដឹកមកដល់តែប៉ុណ្ណោះ។ ការប្រកាសរបស់លោក Assad ធ្វើឡើងប៉ុន្មានថ្ងៃប៉ុណ្ណោះ ក្រោយពេលដែលលោក Sergei Ryabkov រដ្ឋមន្ត្រីរងការបរទេសរបស់រ៉ូស្ស៊ី បាននិយាយថាការបញ្ជូន S-300 ទៅឱ្យស៊ីរី គឺជាជម្រើសដ៏ល្អបំផុតក្នុងការការពារមិនឱ្យមានការលុកលុយពី សំណាក់ប្រទេសអន្តរជាតិមួយចំនួន។
ជុំវិញបញ្ហានេះផងដែរភាគីអ៊ីស្រាអែល បានប្រកាសកាលពីថ្ងៃអង្គារនេះផងដែរថា ការបញ្ជូន S-300 ទៅកាន់ស៊ីរី គឺជាការបង្ហាញឱ្យឃើញច្បាស់ពីបំណងក្នុងការគំរាមកំហែងផ្នែក សង្គ្រាម ហើយព្រមានថាអ៊ីស្រាអែល នឹងចេញសកម្មភាពប្រឆាំងមិនទុកឱ្យស៊ីរី នៅសុខខ្លួនរង់ចាំរករឿងអ៊ីស្រាអែលនោះទេ៕ ប្រែសម្រួលដោយ៖ វង្ស វឌ្ឍនា
No comments:
Post a Comment