ប្រភពព័ត៌មានពីសាក្សីដែលបានឃើញហេតុការណ៍ខាងលើនេះបានឲ្យដឹង ថា មុនពេលកើតហេតុគេបានឃើញរថយន្តកូរ៉ូឡា មួយគ្រឿង ពណ៌ស្លែ ពាក់ស្លាកលេខ ភ្នំពេញ 2E 6162 បានបើកបរធ្វើដំណើរតាមបណ្តោយផ្លូវហានណូយ ក្នុងទិសដៅពីជើងទៅត្បូងដោយបានបើកយ៉ាងលឿន ខណៈដល់ចំណុចកើតហេតុខាងលើនេះបានរេចង្កូតបុកគ្នាចំពីមុខជាមួយនឹង រថយន្តហ៊ីយ៉ានដាយ ប្រភេទកូរ៉េមួយតោនកន្លះ ពណ៌ខៀវ ពាក់ស្លាកលេខ ភ្នំពេញ ឃ 5363 ដែលកំពុងបើកបរក្នុងទិសដៅពីត្បូងទៅជើងបញ្ច្រាសទិសគ្នា ។
ប្រភពដដែលបានបន្តក្នុងហេតុការណ៍នេះបណ្តាលឲ្យរថយន្តទាំងពីរ គ្រឿងគាបក្បាលជាប់គ្នា គឺរង់នៅការខូចខាតយ៉ាងដំណំ ប៉ុន្តែសំណាងដែលក្នុងគ្រោះថ្នាក់នេះមិនបណ្តាលឲ្យមនុស្សណាម្នាក់ រងរបួសធ្ងន់ធ្ងរ ។
ក្រោយកើតហេតុរថយន្តទាំងពីរគ្រឿងត្រូវនគរបាលជំនាញចុះមក អន្តរាគមន៍វាស់វែងអូសយកទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញរង់ចាំដោះស្រាយតាមផ្លូវច្បាប់។ ហើយសមត្ថកិច្ចមិនអាចបញ្ជាក់ថាគ្រោះថ្នាក់នេះបង្កឡើងដោយសារភាគី ណាមួយឡើយ តែសមត្ថកិច្ចនិយាយបង្កឡើងដោយសារពួកគេបើកបរមិនចេះយោងយល់ នឹងអធ្យាស្រ័យគ្នា ៕ ជោគជ័យ
No comments:
Post a Comment