ភ្នំពេញៈ តារាសម្តែង និងជាពិធីការិនីទូរទស្សន៍ CTN នាង គង់ វង្សយ៉ាទី មួយរយៈ នេះ ទទួលរងការរិះគន់ពីទស្សនិកជនជាបន្តបន្ទាប់ ហើយប្រជាប្រិយភាពហាក់ដូចជាធ្លាក់ ចុះផងដែរ ។
បើទោះបីជាមានការរិះគន់យ៉ាងនេះក្តី កញ្ញា គង់ វង្សយ៉ាទី ក៏បានសម្ញែងភាពផ្អែម ល្ហែមបែបជាគូស្នេហ៍ដោយបណ្តោយឲ្យបុរសប្លែកមុខវ័យស្របាលគ្នា ម្នាក់កៀកកើយ ចាប់ ដៃគ្នា ដូចជាគូសង្សាកំលោះក្រមុំនៅក្នុងក្លឹបកម្សាន្តមួយកន្លែងក្នុង រាជធានីភ្នំពេញ ។ រហូត ដល់មានគេលាន់មាត់ថា បុរសនោះប្រហែលជាសង្សារក្រៅឆាករបស់នាង ហើយមើលទៅ បានជាសិទ្ធស្នាលជាមួយគ្នាបែបនេះ ។
ពាក់ព័ន្ធនឹងរឿងរ៉ាវស្នេហានេះ ជារឿយៗនាងតែងតែលាក់បាំង ហើយនាងតែងតែ បដិសេធដោយនិយាយថា នាងមិនទាន់មានម្ចាស់ចិត្តទេ ផ្ទុយពីការអះអាងនេះនាង បែរជា បង្កើតភាពសិ្នទ្ធស្នាល។ ដោយគេរមែងតែឃើញវត្តមានរបស់បុរសម្នាក់នោះ ទៅក្លឹប កម្សាន្តជានិច្ច ។
ជុំវិញការលើកឡើងថា កញ្ញា គង់ វង្សយ៉ាទី ឧស្សាហ៍ចូលលេងក្លឹបកម្សាន្ត នាពេលរាត្រីនោះ ប្រសិនបើយើងសង្កេតមើលពេលបច្ចុប្បន្នមិនមែនមានតែតារាស្រីរូប នេះម្នាក់ទេ ដែលនិយមចូលកម្សាន្តក្នុងក្លឹបនោះ គឺមានតារាប្រុសស្រីវ័យក្មេងជាច្រើន ក៏ចូលចិត្តដើរលេងចូលក្លឹបដល់យប់ជ្រៅមិនចាញ់មនុស្សប្រុសនោះ ទេ ។ តារាស្រីទាំង អស់អះអាងថា ពួកគេគ្រាន់តែចង់លំហែកាយក្រោយពីមានភាពនឿយហត់ពីការងារ សិល្បៈ ទើបចង់ចំណាយពេលវេលាសប្បាយ ដោយចូលក្លឹបបែបនេះ មិនមានហេតុផលអ្វី ផ្សេងនោះទេ ។
តារាសម្តែង និងជាពិធីការិនីទូរទស្សន៍ CTN នាង គង់ វង្សយ៉ាទី ធ្លាប់បានប្រតិកម្មយ៉ាងខ្លាំងចំពោះព័ត៌មានថា នាងកំពុងមានផ្ទៃពោះដែលចុះផ្សាយដោយសារព័ត៌មានក្នុងស្រុកមួយនាពេល កន្លងទៅ ។ ហើយនាងបដិសេធថា «មានផ្ទៃពោះយ៉ាងម៉េច បើខ្ញុំមិនទាន់មានប្តីផងហ្នឹង!» ។
គួររំលឹកថា ពិធីការិនី គង់ វង្សយ៉ាទី ជារលកតារាសម្តែងស្រករក្រោយ ប៉ុន្តែនាងចាប់ផ្តើមល្បីឈ្មោះ មានគេចាប់អារម្មណ៍ក្រោយនាងបានលេចវត្តមានសម្តែងជាតួឆ្នាស់ ក្នុងរឿង “ឈូកស” របស់ស្ថានីយទូរទស្សន៍ប៉ុស្តិ៍លេខ៥ ។ គេមើលឃើញថា នាង បានបោះជំហានកាន់តែលឿនលើវិថីសិល្បៈ ព្រោះតែស្ងាត់ៗ នាងស្រាប់តែបានឡើងមកគ្រងតំណែងជាពិធីការិនីយ៉ាងគ្រហ៊ើៗនៅក្នុង កម្មវិធី “រាត្រីកម្សាន្ត” របស់ CTN ។ ហើយមាន ពេលខ្លះនាងបានផ្អាកការចេញសម្តែងក្នុងខ្សែរឿងដោយសារថា ការសម្តែងត្រូវហាលភ្លៀងហាលខ្យល់ និងក្រោមកំដៅថ្ងៃ។ ដូច្នេះហើយគឺនាងខ្លាចខូចស្បែកដ៏សខ្ចីរបស់នាង៕វិរៈ
No comments:
Post a Comment