យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា ស្ត្រីដែលស្លាប់ក្នុងហេតុការណ៍ខាងលើនេះមានឈ្មោះ ហង្ស មូនីកា អាយុ២២ ឆ្នាំ ស្នាក់នៅសង្កាត់បឹងកក់ទី ២ ខណ្ឌទួលគោក ជិះម៉ូតូមួយគ្រឿងម៉ាកស្មាស ពណ៌ខ្មៅ ពាក់ស្លាកលេខភ្នំពេញ 1AK 9550 ធ្វើដំណើរតាមបណ្តោយផ្លូវម៉ុងរិទ្ធី ក្នុងទិសដៅពីលិចទៅកើត ខណៈជិះមកដល់ចំណុចកើតហេតុខាងលើនេះ មានបុរសម្នាក់ជាមន្ត្រីផ្នែកគណនេយ្យក្រសួងមហាផ្ទៃ បើករថយន្តរ៉ងរ៉ូវែ មួយគ្រឿងពណ៌ស ពាក់ស្លាកលេខភ្នំពេញ 2V 6565 បញ្ច្រាសទិសជាមួយនឹងម៉ូតូស្ត្រីរងគ្រោះ បានរេចង្កូតមកបុកស្ត្រីឈ្មោះ ហង្ស មូនីកា កំពុងជិះម៉ូតូចំពីមុខពេញទំហឹង ហើយរថយន្តរ៉ង់រ៉ូវែ មិនឈប់ បានបន្ថែមល្បឿនរត់គេចខ្លួនដោយបានអូស ម៉ូតូនឹងស្ត្រីរងគ្រោះជាង ១០ ម៉ែត្រ បណ្តាលឲ្យស្ត្រីជាម្ចាស់ម៉ូតូត្រូវរងរបួសរហូតស្លាប់បាត់បង់ ជីវិតនៅក្នុងថ្លុកឈាម នឹងកន្លែងកើតហេតុភ្លាមៗតែម្តង ។ ចំណែករថយន្តបង្កនឹង អ្នកបើកបររថយន្ត ត្រូវបានសមត្ថកិច្ចឃាត់បានភ្លាមៗ។
សមត្ថកិច្ចបានបញ្ចាក់ថាក្នុងហេតុការណ៍នេះគឺបង្កឡើងដោយសារអ្នក រថយន្តរ៉ង់រ៉ូវែ ស្ថិតក្នុងស្ថានភាពស្រវឹងស្រនឹងបានបើករថយន្តលឿន ធ្វើឲ្យបាត់បង់ស្មារតីបង្កឲ្យមានគ្រោះថ្នាក់រហូតផ្តាច់ជីវិត ស្ត្រីម្នាក់ នឹងបំផ្លាញម៉ូតូមួយគ្រឿង រួមជាមួយនឹងរថយន្តរ៉ង់រ៉ូវែមួយគ្រឿងផ្នែកខាងមុខក៏ត្រូវរងការ ខូចខាតផងដែរ ។ លើសពីនេះម៉ូតូរបស់ស្ត្រីរងគ្រោះ នឹងរថយន្តបង្ករួមជាមួយអ្នកបើកបររថយន្តត្រូវបានសមត្ថកិច្ចជំនាញ ចុះមកអន្តរាគមន៍ធ្វើការវាស់វែងអូសយកទៅរក្សាទុកនៅការិយាល័យ ចរាចរណ៍ជើងគោករាជធានីភ្នំពេញរង់ចាំដោះស្រាយតាមផ្លូវច្បាប់៕ជោគជ័យ
No comments:
Post a Comment