ព័ត៌មានបឋម៖
ហេតុការណ៍គ្រោះថ្នាក់ចរាចរណ៍ដ៏រន្ធត់មួយ
បានកើតឡើងនៅម្ដុំតំបន់កាំកូស៊ីធី
ត្រង់ផ្លូវចូលទៅកាន់បុរីអង្គរភ្នំពេញ
ដែលបានបណ្ដាលឲ្យបុរសម្នាក់ដែលជាអ្នកបើកបរម៉ូតូបានរងរបួសក្បាល
ធ្ងន់ធ្ងរ និងបាត់បង់អាយុជីវិតភ្លាមៗនៅនឹងកន្លែងកើតហេតុ ។
ហេតុការណ៍នេះត្រូវបានគេបញ្ជាក់ថា បង្កឡើងដោយរថយន្ដ Ford
មួយគ្រឿង មានស្លាកលេខ ភ្នំពេញ 2D-6388 បានបើកទៅបុកម៉ូតូ Viva
ដែលមានស្លាកលេខ ភ្នំពេញ 1BQ-1177 ពេញទំហឹងលាន់លឺដូចរន្ទះ ។
គេមិនទាន់បានស្គាល់អំពីអត្តសញ្ញាណ
និងភិនភាគរបស់ជនរងគ្រោះនៅឡើយទេ ។ គូសបញ្ជាក់ថា
ក្រោយពេលកើតហេតុភ្លាមៗ
ម្ចាស់រថយន្ដបង្កហេតុខាងលើបានរត់គេចខ្លួនបាត់ស្រមោល
ដោយបន្សល់ទុកជនរងគ្រោះ និងរថយន្ដរបស់ខ្លួននៅទីកន្លែងកើតហេតុ
។ បច្ចុប្បន្ន សាច់ញាតិ
និងក្រុមគ្រួសាររបស់បុរសរងគ្រោះមានវត្តមាននៅទីតាំងកើតហេតុហើយ
។ ក្នុងករណីនេះត្រូវការកងកម្លាំងសមត្ថកិច្ចចុះត្រួតពិនិត្យ
និងធ្វើកោសល្យវិច្ច័យជាបន្ទាន់ ។
No comments:
Post a Comment